ডিজিটেল ডেস্ক
আপোনাৰ-মোৰ বাবে ছেল্ফী এখন তোলাতো তেনেই সাধাৰণ কথা৷ বহুতৰ বাবে ছেল্ফী তোলাতো এক নিচাৰ দৰে৷ কিন্তু ভাবকচোন ভাৰতৰ প্ৰথমখন ছেল্ফী কেনেকুৱা আছিল?উপযুক্ত প্ৰযুক্তিৰ অবিহনেই উনবিংশ শতিকাতে কেনেকৈ তোলা হৈছিল ভাৰতৰ প্ৰথমখন
ছেল্ফী?
বুৰঞ্জীয়ে পাত লুটিয়ালে ত্ৰিপুৰাৰ মহাৰাজা বীৰ চন্দ্ৰ মাণিক্য আৰু তেওঁৰ ৰাণী মহাৰাণী খুমান চানু মনমোহিনী দেৱীৰ বিষয়ে বহু তথ্য পোৱা যায় ।এই
দম্পতীহাল কলা আৰু ফটোগ্ৰাফীৰ প্ৰতি উৎসাহী আছিল৷ আৰু ভাৰতত কেমেৰা থকা দ্বিতীয় ব্যক্তি আছিল বীৰ চন্দ্ৰ মাণিক্য।
যদিও মহাৰাজা ফটোগ্ৰাফীৰ প্ৰতি আগ্ৰহী আছিল, তেওঁ এজন সুন্দৰ স্থপতিবিদো আছিল আৰু আধুনিক আগৰতলা পৰিকল্পনা কৰাতো তেওঁ জড়িত আছিল৷ লগতে তেওঁ ত্ৰিপুৰাত বহু সংস্কাৰ সাধন কৰিছিল৷ ত্ৰিপুৰাৰ লোকসকলক নতুন ধাৰণাৰে উদ্ধৃত কৰিবলৈয়ো তেওঁ চেষ্টা কৰিছিল৷
এই দম্পতীয়েই তুলিছিল ভাৰতবৰ্ষৰ প্ৰথমখন ছেল্ফী ৷ এই ছেল্ফীখন ১৮৮০ তোলা হৈছিল৷ কিন্তু ক’ত তুলিছিল সেই তথ্য সম্পূৰ্ণৰূপে পোৱা নাযায়৷ কিন্তু যি সময়ত অধিকাংশ ভাৰতীয়ৰে ফটোগ্ৰাফ সম্পৰ্কে কোনো ধাৰণা নাছিল সেইসময়তেই এনেদৰে ছেল্ফী তোলাৰ বিষয়ে মহাৰাজা বীৰ চন্দ্ৰৰ মনলৈ কেনেকৈ আহিছিল সেইয়া ভাবিলে আজিও আচৰিত লাগে৷
Continue Reading
