ডিজিটেল ডেস্ক: প্ৰতি বছৰৰ দৰে এইবাৰো ২৯ ছেপ্টেম্বৰ তাৰিখে বিশ্ব হৃদ দিৱস পালন কৰা হৈছে। এই দিৱসৰ মূল উদ্দেশ্য হৈছে হৃদযন্ত্ৰৰ স্বাস্থ্যৰ প্ৰতি সজাগতা বৃদ্ধি কৰা আৰু হৃদ ৰোগৰ প্ৰতি সতৰ্কতা সৃষ্টি কৰা। এই বছৰৰ বিশ্ব হৃদ দিৱসত "Use Heart for Action" অৰ্থাৎ হৃদযন্ত্ৰৰ যত্ন ল'বলৈ সক্ৰিয় পদক্ষেপ গ্ৰহণৰ ওপৰত গুৰুত্ব প্ৰদান কৰা হৈছে।
সম্প্ৰতি হৃদ ৰোগ(CVDs) হৈছে মানুহৰ মৃত্যুৰ মূখ্য কাৰণ৷ হৃদৰোগত আক্ৰান্ত হৈ ভাৰতত হৃদয়ৰ ৰোগৰ ফলত মৃত্যু হোৱা লোকৰ সংখ্যা যথেষ্ট পৰিমাণে বেছি। ২০২২ চনত ভাৰতত প্ৰায় ৩২,৪৫৭ জনলোক হৃদ ৰোগৰ ফলত মৃত্যু হৈছিল, যি পূৰ্বৰ তুলনাত ১২.৫% বৃদ্ধি পাইছে।
সমগ্ৰ বিশ্বজুৰি ২০২১ চনত প্ৰায় ২০.৫ মিলিয়ন লোক হৃদ ৰোগৰ ফলত মৃত্যু হৈছিল। বিশ্বত প্ৰতি বছৰে প্ৰায় ১৮.৬ মিলিয়ন লোকৰ মৃত্যু হয় কেৱল হৃদ ৰোগৰ বাবে৷
উল্লেখযোগ্য যে বিশ্ব হৃদ দিৱস প্ৰথমবাৰৰ বাবে ১৯৯৯ চনত ৱৰ্লড হাৰ্ট ফেডাৰেচন(WHF)আৰু বিশ্ব স্বাস্থ্য সংস্থাৰ (WHO)সহযোগত আৰম্ভ কৰা হৈছিল। ২০০০ চনৰ ২৪ ছেপ্টেম্বৰত বিশ্ব হৃদ দিৱস প্ৰথম আনুষ্ঠানিকভাৱে পালন কৰা হৈছিল। ২০১১ চনৰ পৰা এই দিৱসটো প্ৰতিবছৰে ২৯ ছেপ্টেম্বৰত পালন কৰি অহা হৈছে।
বিশ্ব হৃদ দিৱস পালন কৰা মূল লক্ষ্য হৈছে হৃদ ৰোগৰ পৰা মুক্তি পাবলৈ সজাগতা বৃদ্ধি কৰা। বিনামূলীয়া হৃদয় পৰীক্ষা, পদযাত্ৰা, মাৰাথন, আৰু শিক্ষামূলক কাৰ্যসূচী অনুষ্ঠিত কৰা আদি কাৰ্যসূচীৰে বিশ্ব হৃদ দিৱস পালন কৰা পৰিলক্ষিত হয়৷ বিভিন্ন সজাগতামূলক কাৰ্যসূচী গ্ৰহণ কৰা হয়৷
স্বাস্থ্যকৰ জীৱনধাৰা, নিয়মিত স্বাস্থ্য পৰীক্ষা, আৰু হৃদযন্ত্ৰৰ যত্নৰ প্ৰতি সজাগতা বৃদ্ধি কৰিলে হৃদ ৰোগৰ ফলত মৃত্যুৰ হাৰ কম হোৱাৰ আশা কৰিব পাৰি, সুখবৰ যে সম্প্ৰতি হৃদয়ৰ ৰোগৰ চিকিৎসাৰ ক্ষেত্ৰত ন ন উদ্ভাৱনে হৃদৰোগৰ পৰা উপশম কাৰৰ ক্ষেত্ৰত ৰোগী সকলৰ মাজত আশাৰ সঞ্চাৰ কৰিছে৷
Continue Reading
