ডিজিটেল ডেস্ক: ব্যস্ত যুগত দৈনিক ৰন্ধা-বঢ়া ইমান নহয়। ব্যস্ততাৰ বাবে বেছিভাগ পৰিয়ালে এবাৰতে আহাৰ ৰান্ধিব লাগে। কিন্তু লক্ষ্য কৰিব লগা কথাটো হ'ল যে হাতেৰে বনোৱা ৰুটি ফ্ৰীজত ৰাখিলে কঠিন হৈ পৰে। মাইক্ৰৱেভত বাৰে বাৰে গৰম কৰিলেও খাবলৈ কঠিন। কঠিন ৰুটি খোৱাটো একেবাৰেই অশান্তিদায়ক গতিকে ৰুটিখন কেনেকৈ দীৰ্ঘদিনলৈ কোমল কৰি ৰাখিব পাৰি? জানো আহক কেইটামান বিশেষ টিপছ।
আটাৰে ধুনীয়া ৰুটি বনোৱা সকলো ব্যক্তিয়ে জানে যে কোমল ৰুটি বনোৱাৰ কিছুমান কৌশল আছে। কিন্তু যিসকল সেই অৰ্থত ৰুটি বনোৱাত বৰ বিশেষজ্ঞ নহয় তেওঁলোকৰ বাবে কেতিয়াবা এই কোমল ৰুটি বনোৱা কঠিন কামলৈ পৰিণত হয়।
কাৰোবাৰ ৰুটি ফুলিলেও কিছু সময়ৰ পাছত কঠিন হৈ পৰে। কাৰণ, ৰুটিৰ সমস্যাৰ অন্ত নাই। গতিকে ইয়াত আপোনাৰ বাবে ৰুটি কেনেকৈ বনাব লাগে তাৰ টিপছ দিয়া হ’ল যাতে ই কোমল হয়।
ৰুটি বনোৱাৰ বাবে আটাইখিনি কেনেকৈ তৈয়াৰ কৰিব?
-আহযুক্ত আটা ব্যৱহাৰ কৰিলে ৰুটিখন কোমল হ’ব পাৰে।
- আটাত এচিকুট নিমখ দিব পাৰে। এচামুচ ৰিফাইন তেল দিব।
- এতিয়া গৰম পানীৰ সহায়ত মথিব । গৰম পানীৰে আটা মথিলে হজম শক্তিৰ লগতে ৰুটি কোমল হয়। আৰু সেই ৰুটিখনৰ সোৱাদও বেলেগ।
- কিন্তু আটিখিনি তৈয়াৰ কৰোতে বেছি শক্তি প্ৰয়োগ নকৰিব। আটাৰ মিশ্ৰণটো আঙুলিত লাগি নাহিলে ৰুটি বনাবলৈ তৈয়াৰ কৰা লাড়ু কেইটা ভাল হৈছে বুলি গম পাব।
- আটাৰ পৰিমাণ বেছি হ'লে কমেও ১৫ মিনিট ঢাকি ৰাখিব। সৰ্বাধিক ৩০ মিনিট ৰাখিব। তাতকৈ বেছি ৰাখিলে মিশ্ৰণটো কোমল হৈ যাব। তেতিয়া সমস্যা হ’ব।
- সৰু সৰুকৈ লাড়ু কৰি লওক। পাতলকৈ বেলিব। ডাঙৰ ডাঙৰ লাৰুৱে ৰুটিখন ডাঠ কৰি তুলিব। আৰু যদি ৰুটিখন পাতল হয় তেন্তে ভালকৈ ফুলিব।
- গেছৰ ওপৰত কেৰাহী বা টাৱা আগতে গৰম কৰক। এতিয়া দুয়োফালে ভালদৰে বেক কৰক। তেতিয়া দেখিব খন ভালদৰে ফুলি উঠিছে । পাৰিলে ৰুটি থ'বৰ বাবে হটকেছ ব্যৱহাৰ কৰক ।
- দ্বিতীয়বাৰৰ বাবে কেতিয়াও ৰুটি পুনৰ গৰম নকৰিব। তেতিয়া ই আৰু টান হৈ পৰে।
-ইয়াৰ বাহিৰেও এটা বাচনত তিতা কাপোৰেৰে মেৰিয়াই ৰুটি ৰাখিব পাৰে। তেতিয়াও ই কোমল হ’ব।
এইসমূহ কৌশল প্ৰয়োগ কৰি ৰুটি বনালে আপোনাৰ ৰুটিখন নিশ্চয় কোমল আৰু সোৱাদযুক্ত হৈ থাকিব।
Continue Reading
