ডিজিটেল ডেস্কঃ নিজৰ নামটোৱেই এতিয়া কাল হৈ পৰিছে উত্তৰ কোৰিয়াৰ বহু যুৱতীৰ বাবে৷ সেয়ে নাম সলনি কৰিবলৈ এতিয়া লৰা-ধপৰা লগাইছে বহু যুৱতীয়ে৷ কিন্তু কিয় এনে হৈছে? উত্তৰ কোৰিয়াৰ নেতা কিম জং আনে ছোৱালী আৰু মহিলাসকলক তেওঁৰ কন্যাৰ দৰে একে নাম ব্যৱহাৰ কৰাৰ ওপৰত নিষেধাজ্ঞা আৰোপ কৰিছে ।
যিসকলে কিমৰ কন্যাৰ নামেৰে নাম ৰাখিছে তেওঁলোককো শীঘ্ৰে নাম সলনি কৰিবলৈ নিৰ্দেশ দিছে। ফক্স নিউজৰ মতে কিম জং আনৰ কন্যাৰ নাম কিম জু এ আৰু তেওঁৰ বয়স প্ৰায় ন বছৰ বুলি কোৱা হছে। কিমৰ নিৰ্দেশৰ পিছতে স্থানীয় প্ৰশাসনে জু-এ নামৰ মহিলাসকলক তেওঁলোকৰ জন্মৰ প্ৰমাণপত্ৰ সলনি কৰিবলৈ নিৰ্দেশ জাৰি কৰিছে। জেওংজু চহৰৰ নিৰাপত্তা মন্ত্ৰালয়ে 'জু এ' নামৰ আৱাসী পঞ্জীয়ন বিভাগত পঞ্জীয়ন কৰা মহিলাসকলক তেওঁলোকৰ নাম সলনি কৰিবলৈ সুৰক্ষা মন্ত্ৰালয়লৈ মাতি পঠিয়াইছে।
উত্তৰ কোৰিয়াৰ ছোৱালী আৰু মহিলাসকলক "এসপ্তাহৰ ভিতৰত" তেওঁলোকৰ নাম সলনি কৰিবলৈ নিৰ্দেশ দিয়া হৈছে। কিমৰ কন্যাক শেহতীয়াকৈ বিশাল সামৰিক কুচকাৱাজত পিতৃ কিমৰ সৈতে দেখা গৈছিল।দক্ষিণ কোৰিয়াৰ সংবাদ মাধ্যমসমূহে অনুমান কৰিছে যে কিম জং আনৰ এজন পুত্ৰও আছে যি কিম জু এতকৈ ডাঙৰ আৰু তৃতীয় সন্তান সম্ভৱতঃ এজনী কন্যা। উত্তৰ কোৰিয়াই নৱেম্বৰত কিম জু -এ তেওঁৰ দেউতাকৰ সৈতে আন্তঃমহাদেশীয় বেলিষ্টিক মিছাইল পৰীক্ষা চোৱা বুলি প্ৰকাশ কৰিছিল।
Continue Reading
