ডিজিটেল ডেস্ক: এটা আশ্বৰ্যজনক ঘটনা সংঘটিত হৈছে উত্তৰ প্ৰদেশৰ ফাৰুখাবাদত৷ বুধবাৰে ফাৰুখাবাদৰ নিৰ্বাচন আয়োগৰ গুদামত হঠাতে সংঘটিত হয় অগ্নিকাণ্ডৰ ঘটনা।
আৰু এই অগ্নিকাণ্ডত গুদামত মজুত কৰি ৰখা এক ডজনতকৈও অধিক ইভিএম জুইত জাহ যায়৷ আটাইতকৈ আশ্চৰ্যজনক কথাটো হ’ল যে যিটো ৱেৰহাউচত ইভিএমসমূহ ৰখা হৈছিল, সেই ৱেৰহাউচত কোনোধৰণৰ বিদ্যুৎ সংযোগ নাছিল। এনে পৰিস্থিতিত শ্বৰ্টচাৰ্কিটৰ ফলত জুই লগাৰ কোনো সম্ভাৱনা থাকিব নোৱাৰে।
এতিয়া এই অগ্নিকাণ্ডক লৈ সমাজবাদী পাৰ্টীৰ মুৰব্বী অখিলেশ যাদৱে প্ৰশ্ন উত্থাপন কৰিছে। তেওঁ এক্সত পোষ্ট কৰিছিল যে ফাৰুখাবাদত ৮০০ ইভিএম জ্বলাই দিয়া হৈছিল, শ্বৰ্টচাৰ্কিট অবিহনে জুইলগাৰ ফলত সন্দেহৰ ধোঁৱা বাঢ়ি আহিছে।
ফাৰুখাবাদৰ মহানগৰ দণ্ডাধীশ সতীশ চন্দ্ৰই কৈছিল যে গুদামত অগ্নিকাণ্ডৰ কাৰণ এতিয়াও জানিব পৰা হোৱা নাই। ৱেৰহাউচৰ ভিতৰত কোনো বৈদ্যুতিক সঁজুলি নাই, সেয়েহে শ্বৰ্ট চাৰ্কিটৰ পৰা জুই লগাৰ কোনো সম্ভাৱনা থাকিব নোৱাৰে।
ৱেৰহাউচত ৮০০টা ইভিএম আছে। ইভিএমবোৰ ৱেৰহাউচৰ পৰা বাহিৰলৈ লৈ যোৱা হৈছে। তেতিয়াহে এইটো স্পষ্ট হ’ব যে কিমানটা ইভিএম ধ্বংস হৈছে। মহানগৰ দণ্ডাধীশে ডিভিআৰ সুৰক্ষিত কৰিবলৈ নিৰ্দেশনা দিছে। গুদামত অগ্নিকাণ্ডৰ কাৰণ অনুসন্ধানৰ পাছতহে জানিব পৰা যাব বুলি তেওঁ সদৰী কৰিছে৷
Continue Reading
