উত্তৰ প্ৰদেশৰ কৃষক বিদ্ৰোহ! ৮ জনৰ মৃত্যু,১৫ জন আহত

ডিজিটেল ডেস্কঃ উত্তৰ প্ৰদেশৰ কৃষকৰ প্ৰতিবাদে ক্ৰমাৎ বেয়া দিশলৈ গতি কৰিছে৷ উত্তৰ প্ৰদেশৰ লখিমপুৰ খেৰীত কৃষকৰ প্ৰতিবাদ চলি থাকোতে সংঘটিত হোৱা হিংসাত্মক ঘটনাত ৮ জন লোকে প্ৰাণ হেৰুৱাৰ লগতে ১৫ জন লোক আহত হয়। উত্তেজিত কৃষকসকলে তিনিখন জীপ জ্বলাই দিয়াৰ লগতে বহু গাড়ীত আক্ৰমণ সংঘটিত কৰে।

এই হিংসাত্মক ঘটনাৰ পাছতে উত্তৰ প্ৰদেশৰ মুখ্যমন্ত্ৰী যোগী আদিত্যনাথে গোৰখপুৰ ভ্ৰমণ আধাতে সামৰি ৰাজধানীলৈ উভতি আহে। ঘটনাৰ সন্দৰ্ভত কেন্দ্ৰীয় মন্ত্ৰী অজয় মিশ্ৰাই কয় যে প্ৰতিবাদকাৰী কৃষকসকলে তিনিজন বিজেপি কৰ্মী আৰু এজন চালকক প্ৰহাৰ কৰি হত্যা কৰে৷ তেওঁলোকে যাত্ৰা কৰা গাড়ীখনলৈ শিল নিক্ষেপ কৰিছিল বিদ্ৰোহী কৃষকসকলে৷

তেওঁ লগতে কয় যে কৃষকসকলৰ মাজত এনে কিছুমান উপাদান আছে যিয়ে দেশত কেৱল অস্থিৰতা সৃষ্টি কৰিব বিচাৰে। ৰাজ্যৰ আইন-শৃংখলাৰ এডিজি প্ৰশান্ত কুমাৰক ইতিমধ্যে লখিমপুৰ খেৰীলৈ প্ৰেৰণ কৰা হৈছে। যিকোনো ধৰণৰ হিংসাত্মক ঘটনা প্ৰতিৰোধ কৰাৰ বাবে অতিৰিক্ত বাহিনীয়ো মোতায়েন কৰা হৈছে।