ডিজিটেল ডেস্ক: উত্তৰ প্ৰদেশৰ বাহৰেইচত এতিয়াও অব্যাহত আছে কুকুৰনেচীয়া বাঘৰ আতংক। ২৬ আগষ্টৰ নিশা বাঘটোৱে এগৰাকী মহিলাৰ কাষত শুই থকা শিশুক লৈ যায়।
পিছদিনা ৰাতিপুৱা ঘৰৰ পৰা ৫০০ মিটাৰ দূৰত শিশুটিৰ মৃতদেহ উদ্ধাৰ হয়। ৪৭ দিনত বাঘৰ জাকে অঞ্চলটোত ৬ টা শিশুসহ ৭ জন লোকক হত্যা কৰিছে। ইয়াৰ ওপৰিও ২২ জন লোক আহত হৈছে। এই ঘটনাৰ পৰিপ্ৰেক্ষিতত প্ৰশাসনে ৰাইজক ৰাতি অকলে ওলাই নাযাবলে আহ্বান জনাইছে ।
২৬ আগষ্টৰ নিশা বাহৰৈচৰ খাইৰিঘাট অঞ্চলৰ বাসিন্দা ৰ’লীয়ে ৭ বছৰীয়া পুত্ৰ অয়ংশৰ সৈতে চোতালত শুই আছিল। তাৰ পাছত ৰাতি অয়ংশক এটা বাঘে চোঁচৰাই লৈ যায়। সংবাদ মাধ্যমতৰ মতে মহিলাগৰাকীয়ে কয় যে বাঘটোৱে অয়ংশক কেতিয়া লৈ গৈছিল সেই কথাও তেওঁ নাজানে। সাৰ পাই গম পালে যে তেওঁৰ ল’ৰাটো নিৰুদ্দেশ হৈছে।
ৰ’লিয়ে কয় যে তেওঁ আৰু তেওঁৰ পৰিয়ালৰ লোকে গোটেই ৰাতি তেওঁৰ পুত্ৰক সন্ধান কৰিছিল কিন্তু তেওঁক বিচাৰি নাপালে। ৰাতিপুৱা গাঁৱৰ মানুহে ক’লে যে পুত্ৰৰ মৃতদেহ পথাৰত পৰি আছে। ঘটনা সন্দৰ্ভত তথ্য লাভ কৰাৰ লগে লগে ফৰেনছিক দলটোৱে গাঁওখনত উপস্থিত হৈ তদন্ত চলায়। ইয়াৰ পূৰ্বে ২৫ আগষ্টত গাঁৱৰ এগৰাকী মহিলাক বাঘে লৈ গৈছিল। মহিলাগৰাকী মহাসী অঞ্চলৰ বাসিন্দা আছিল আৰু তেওঁ ঘৰৰ বাৰাণ্ডাত শুই আছিল।
সমগ্ৰ গাঁৱবাসী এতিয়া এই বিষয়ক লৈ চিন্তিত ৷ ইয়াৰ পূৰ্বে কুকুৰনেচীয়া বাঘৰজাঁকটোৱে পাঁচজন শিশুক টানি নিছে ৷
Continue Reading
