ডিজিটেল ডেস্কঃ উত্তৰকাশীৰ ছিল্কয়াৰা সুৰংগৰ ভিতৰত বিগত ১৬ দিন ধৰি আবদ্ধ হৈ আছে ৪১ জন শ্ৰমিক। তেওঁলোকক নিৰাপদে সুৰংগৰ পৰা উলিয়াই অনাৰ বাবে সকলো প্ৰচেষ্টা চলোৱা হৈছে। সমগ্ৰ দেশে শ্ৰমিককেইগৰাকীৰ সুৰক্ষাৰ বাবে প্ৰাৰ্থনা কৰিছে। সোমবাৰে হঠাৎ সেই স্থানত আবিৰ্ভাৱ হৈছে মহাদেৱ। যি ছবি দেখি সকলো আচৰিত হৈ পৰিছে।
সুৰংগটোৰ ঠিক বাহিৰত এক আকৃতিৰ সৃষ্টি হৈছিল যিটো দেখি সকলোৱে দাবী কৰিছে যে সেয়া ভগৱান শিৱৰ আকৃতি। স্থানীয় লোকে দাবী কৰে যে এয়া ভোলেনাথে আশীৰ্বাদ দিবলৈ আহিছে। এতিয়া সকলো শ্ৰমিক নিৰাপদে ওলাই আহিব।
শিৱৰ আকৃতি দেখাৰ পাছৰে পৰা উদ্ধাৰ অভিযানৰ সমস্যা নোহোৱা হৈছে। এয়া মহাদেৱৰ আশীৰ্বাদৰ বাবে সম্ভৱ হৈছে বুলি বিশ্বাস কৰিছে উদ্ধাৰকাৰীসকলৰ লগতে স্থানীয় জনতাই। উত্তৰাখণ্ড চৰকাৰৰ সচিব ড০ নীৰজ খাৰৱালে পাইপত আবদ্ধ হৈ থকা অগাৰ মেচিনৰ ব্লেড আৰু খাদ কাটি কাম সম্পূৰ্ণ হোৱা বুলি জানিবলৈ দিয়ে। অগাৰ মেচিনৰ মূৰটো আঁতৰোৱাৰ কামো সম্পূৰ্ণ হৈছে। পূৰ্বে ১.৯ মিটাৰ পাইপ কাটিছিল। এতিয়া হাতেৰে কাম কৰাৰ সময়ত পাইপটোও ০.৯ মিটাৰ আগুৱাই ঠেলি দিয়া হৈছে।
অতিৰিক্ত সচিব (ভাৰত চৰকাৰৰ পথ পৰিবহণ আৰু ঘাইপথ মন্ত্ৰালয়) আৰু এম ডি (এন এইচ আই ডি চি এল) মাহমুদ আহমেদে কয় যে উলম্ব ড্ৰিলিঙৰ কামো দ্ৰুত গতিত চলি আছে। তেওঁ কয় যে এতিয়ালৈকে ৩৬ মিটাৰ উলম্ব ড্ৰিলিং কৰা হৈছে। আৰু অধিক কামো পূৰ্ণ গতি আৰু সাৱধানতাৰে কৰা হৈছে। অতি সোনকালে শ্ৰমিকসকলক বাহিৰলৈ উলিয়াই আনিব পৰা যাব বুলি জনাইছে উদ্ধাৰকাৰীসকলে।
উল্লেখ্য যে ১৬ দিন ধৰি স্থানীয় ৰাইজে শ্ৰমিকসকলৰ সুৰক্ষাৰ বাবে নিজ নিজ ইষ্ট দেৱতাক পূজা-প্ৰাৰ্থনা কৰি আছে।
Continue Reading
