ডিজিটেল ডেস্কঃ চীনৰ এখন চিৰিয়াখানা বিপাঙত পৰিছে। কিছু ভালুকক লৈ তেওঁ সমস্যাত পৰিছে। কাৰণ ভালুকসমূহে অস্বাভাৱিক আচৰণ কৰিছে। পূব চীনৰ ঝেজিয়াং প্ৰদেশৰ হাংঝৌ চিৰিয়াখানাৰ কিছু ভালুকক লৈ সন্দেহ প্ৰকাশ কৰিছে ছ’চিয়েল মিডিয়াৰ এটা অংশই।
তেওঁলোকে দাবী কৰে যে সেই চিৰিয়াখানাখনৰ সকলো ভালুক ছদ্মবেশত আছে। অৱশ্যে চিৰিয়াখানা কৰ্তৃপক্ষই এই অভিযোগ অস্বীকাৰ কৰে। সন্দেহজনক প্ৰশ্নৰ উত্তৰ দিবলৈ তেওঁলোকে অভিনৱ পন্থা গ্ৰহণ কৰিছে।
চিৰিয়াখানা কৰ্তৃপক্ষই ছ’চিয়েল মিডিয়াত এটা পোষ্ট দি ভালুকৰ মাত অনুকৰণ কৰি সকলো প্ৰশ্নৰ উত্তৰ দি দেখুৱাইছে যে sun bearৰ প্ৰজাতিটো ছদ্মবেশত থকা প্ৰাণী নহয়।
ছ’চিয়েল মিডিয়াত সেই পোষ্টটোত শুনা ভালুকটোৰ ভুৱা মাতটোৰ নাম এঞ্জেলা। তেওঁৰ মাতত হাংঝৌ চিৰিয়াখানাৰ ভালুকবিলাকে দাবী কৰিছে- "কিছুমান মানুহে ভাবে যে মই মানুহৰ দৰে থিয় দিছো বাবে ভালুক নহয়! কিন্তু তেওঁলোকে মোক ভালদৰে বুজি পোৱা যেন নালাগে।"
এঞ্জেলাৰ মাতটোৱে আৰু কয়, "ভালুকৰ কথা ভাবিলে প্ৰথমে মনলৈ আহে অসীম শক্তিৰ ডাঙৰ মুখ এখন... কিন্তু সকলো ভালুককে বিশাল দৈত্যৰ দৰে দেখা নাযায়।"
চীনৰ চিৰিয়াখানাত ভালুক দুটা ভৰিৰে থিয় হৈ থকা কিছুমান ভিডিঅ’ ভাইৰেল হোৱাৰ পিছৰে পৰা বহু লোকে সন্দেহৰ কাঁড় নিক্ষেপ কৰিবলৈ আৰম্ভ কৰিছে।
তেনে এক ১৪ ছেকেণ্ডৰ ভিডিঅ’ত এটা ‘ভালুক’ চিৰিয়াখানাৰ দৰ্শনাৰ্থীৰ সন্মুখত দুখন ভৰিৰে দীঘল ডিঙি ওপৰলৈ তুলি থিয় হৈ থকা দেখা গৈছে। কিছু সময় দৰ্শনাৰ্থীৰ লগত চকুৰ সংস্পৰ্শ কৰি ই নিজৰ বাহত সোমাই যায়। যদিও প্ৰাগ নিউজ ডিজিটেলে সেই ভিডিঅ’টোৰ সত্যতা পৰীক্ষা কৰা নাছিল।
বহুতে কৈছে যে ভালুকবোৰ মানুহৰ দৰেই থিয় হৈ আছে। মানুহৰ ফালে হাত জোকাৰি। চৌপাশৰ পৰা পেলোৱা খাদ্য দুহাতেৰে ধৰিবলৈ চেষ্টা কৰিছে। সেয়ে আচলতে ভালুকৰ দৰে সাজ-পোছাক পিন্ধা মানুহহে নেকি সেইবোৰ?
চীনৰ চিৰিয়াখানা কৰ্তৃপক্ষই সোঁৱৰাই দিলে, “উত্তৰ আমেৰিকাৰ গ্ৰীজলি ভালুকৰ দৰে sun bear বিশাল নহয়। দেখাত সৰু। এই বিলুপ্তপ্ৰায় প্ৰজাতিৰ ভালুকবোৰ পৃথিৱীৰ আটাইতকৈ সৰু ভালুক।”
ইংলেণ্ডৰ চেষ্টাৰ চিৰিয়াখানাৰ এছলী মাৰ্শ্বলে চীন কৰ্তৃপক্ষৰ সৈতে একমত। সেই ভিডিঅ’বোৰ চোৱাৰ পিছত নিশ্চিতভাৱে প্ৰকৃত ভালুক বুলি তেওঁলোকে জনায়। লগতে কয় যে sun bearবোৰ প্ৰায়ে ছদ্মবেশত থকা ভালুকৰ দৰে দেখা যায়।
ছ’চিয়েল মিডিয়া পোষ্টটোত প্ৰকাশ পোৱা মতে, থিয় হৈ থাকিলেও sun bear প্ৰজাতিটোৰ উচ্চতা ৪ ফুট ৩ ইঞ্চি। দক্ষিণ-পূব এছিয়াৰ অৰণ্যৰ এই বাসিন্দাসকলৰ ওজন ২৫ৰ পৰা ৬৫ কিলোগ্ৰামকৈ।
সকলো অভিযোগ অস্বীকাৰ কৰি চিৰিয়াখানাৰ মুখপাত্ৰই কয় যে ৪০ ডিগ্ৰী চেলছিয়াছৰ তীব্ৰ গৰমত সেই শীতকালীন কাপোৰ পিন্ধি কেইমিনিটতকৈও অধিক সময় সহ্য কৰাটো অসম্ভৱ।
চীনৰ আন চিৰিয়াখানাতো একে অভিযোগ উত্থাপন হৈছিল। অভিযোগ অনুসৰি, চিৰিয়াখানা কৰ্তৃপক্ষই এবাৰ কুকুৰ কেইটামানক ৰং কৰি আফ্ৰিকান মেকুৰী বুলি দেখুৱাইছিল।
২০১৯ চনত চাংঝু প্ৰদেশৰ ইয়াংচেং বন্যপ্ৰাণী বিশ্ব চিৰিয়াখানাৰ কৰ্মী দুজনে গৰিলাৰ বেশ ধৰিছিল। ইয়াংচেং ৱাইল্ড এনিমেল ৱৰ্ল্ডৰ বিৰুদ্ধে অভিযোগ উঠাৰ পিছত চিৰিয়াখানা কৰ্তৃপক্ষই দাবী কৰে যে এপ্ৰিল ফুল দিৱসত কিছু মজা কৰিবলৈ এই কাণ্ড সংঘটিত কৰা হৈছে।
সংবাদ মাধ্যমে দাবী কৰে যে ইয়াৰ উদাহৰণ পৃথিৱীত বিৰল নহয়। কায়ৰোৰ এখন চিৰিয়াখানাত গাধক ৰং কৰি জেব্ৰাৰ দৰে সাজ-পোছাক পিন্ধাই দৰ্শনাৰ্থীক ছলনা কৰা হৈছিল।
Continue Reading
