ডিজিটেল ডেস্কঃ এগৰাকী ২৮ বছৰীয়া যুৱতীয়ে শ্বেয়াৰ কৰিছে নিজৰ প্ৰেম কাহিনী। ৪২ বছৰ ডাঙৰ এজন ব্যক্তিক তেওঁ কেনেকৈ নিজৰ হৃদয়খন সঁপি দিলে সেই কথা তেওঁ ক’লে। কিছুদিন লগ পোৱাৰ পাছত দুয়োজনেই ডেটত যাবলৈ ধৰিলে। তাৰপাছত ৭০ বছৰীয়া ব্যক্তিজনৰ সৈতে বিয়া পাতিলে ২৮ বছৰীয়া যুৱতীগৰাকীয়ে। কিন্তু এই সম্পৰ্কৰ বাবেই ছোৱালীজনী ট্ৰ’লৰ বলি হ’ল। মানুহে কৈছিল যে তাই টকাৰ লোভত ৭০ বছৰীয়া এজন ব্যক্তিক বিয়া কৰাইছিল। কিন্তু তেওঁলোকে কয় যে তেওঁলোকৰ প্ৰেম সঁচা আৰু তেওঁলোক জীৱনত বহুত সুখী।
২৮ বছৰীয়া জেকী আৰু ৭০ বছৰীয়া ডেভিদৰ কাহিনী এতিয়া চৰ্চিত হৈ পৰিছে। ২০১৬ চনত দুয়োজনে ডেটিং চাইটত লগ পাইছিল। ইয়াৰ পৰাই তেওঁলোকৰ মাজত বন্ধুত্ব গঢ় লৈ উঠিছিল আৰু তাৰপিছত লগ পোৱাৰ প্ৰক্ৰিয়া আৰম্ভ হৈছিল। লগ পোৱাৰ পিছত বন্ধুত্ব প্ৰেমলৈ পৰিণত হ’ল।
ডেটিং চাইটত কথা-বতৰাৰ পাছত তিনিমাহৰ ভিতৰতে ডেভিদে জেকিক লগ কৰিবলৈ আমেৰিকাৰ পৰা ফিলিপাইনছ পালেগৈ। ইয়াত দুয়োজনে বহু দিন একেলগে কটালে। তেওঁলোকৰ মাজত ঘনিষ্ঠতা বাঢ়ি আহিছিল। প্ৰতি দুমাহৰ মূৰে মূৰে ডেভিদে জেকিক চাবলৈ ফিলিপাইনছলৈ আহিছিল। অৱশেষত ২০১৮ চনত তেওঁলোকৰ বিবাহ হয় আৰু জেকী কেলিফৰ্ণিয়াৰ অকলেণ্ডলৈ স্থানান্তৰিত হয়।
কোভিড লকডাউনৰ সময়ত জেকিয়ে নিজাকৈ টিকটক একাউণ্ট তৈয়াৰ কৰিছিল আৰু তাত নিজৰ জীৱনৰ লগত জড়িত কথাবোৰ শ্বেয়াৰ কৰিবলৈ আৰম্ভ কৰিছিল। তেওঁৰ একাউণ্টত ৫০ হাজাৰৰো অধিক ফ’ল’ৱাৰ আছে। নেটিজেনসকলে তেওঁলোকৰ পোষ্টত বিভিন্ন ধৰণৰ মন্তব্য কৰে। কোনোৱে জেকিক লোভী আৰু কোনোৱে ছুগাৰ গাৰ্ল বুলি কয়। আনকি কিছুমানে কৈছিল যে জেকিক আমেৰিকাত বসতি স্থাপন কৰিবলৈ গ্ৰীণ কাৰ্ডৰ প্ৰয়োজন, সেয়েহে তেওঁ ডেভিদক বিয়া কৰাইছিল।
অৱশ্যে এনে নেতিবাচক মন্তব্যক তেওঁলোকে আওকাণ কৰে। ডেভিদে কয়- ''যদি দুজন মানুহে ইজনে সিজনক ভাল পায় আৰু তেওঁলোকে একেলগে জীৱনটো কটাব বিচাৰে, তেন্তে বয়স মাথোঁ এটা সংখ্যাহে। মানুহে সমালোচনা কৰা উচিত নহয়। আমি দুয়ো সুখী।'' জেকিয়ে ডেভিদৰ বিষয়ে কৈছিল যে ''তেওঁ এজন অতি সহজ আৰু ভাল স্বভাৱৰ মানুহ। মোক বহুত বেছি সন্মান কৰে আৰু ভাল পায়। তেওঁক বিয়া কৰাই মোৰ কোনো আক্ষেপ নাই।''
Continue Reading
