ডিজিটেল ডেস্কঃ হলিউডৰ পৰা ওলাইছে এক অতি ডাঙৰ খবৰ। ছুপাৰ মডেল তথা অভিনেত্ৰী গিগি হাদিদক গ্ৰেপ্তাৰ কৰা হৈছে। কেমেনৰ ওৱেন ৰবাৰ্টছ আন্তঃৰাষ্ট্ৰীয় বিমানবন্দৰত ভাং ৰখাৰ অভিযোগত গ্ৰেপ্তাৰ কৰা হয় তেওঁক। ইয়াৰ পিছত তেওঁক জামিনত মুকলি কৰি দিয়া হয়। ইয়াৰ পিছত অলপ সময়ৰ পাছতে তেওঁ ইনষ্টাগ্ৰামত পোষ্ট শ্বেয়াৰ কৰে।
খবৰ অনুসৰি, কেমেন দ্বীপপুঞ্জত ছুটীৰ পৰা উভতি আহি থকা অৱস্থাত শুল্ক বিভাগে তেওঁৰ লাগেজত ভাং উদ্ধাৰ কৰে। গিগি হাদিদ আৰু তেওঁৰ এগৰাকী বন্ধু ব্যক্তিগত বিমানেৰে কেমেন দ্বীপত উপস্থিত হৈছিল। পৰীক্ষা কৰাৰ সময়ত কাষ্টম বিষয়াজনে তেওঁলোকৰ লাগেজত ভাং আৰু আনুষংগিক সামগ্ৰী উদ্ধাৰ কৰে।
ভাং আমদানি কৰাৰ সন্দেহত গ্ৰেপ্তাৰ কৰা হয় গিগি হাদিদক। এই বিষয়টো ১০ জুলাইৰ যিটো এতিয়া চৰ্চালৈ আহিছে। ২০২৩ চনৰ ১২ জুলাইত গিগি আৰু তেওঁৰ বন্ধু মেককাৰ্থী আদালতত হাজিৰ হয় আৰু তেওঁলোকে অভিযোগ স্বীকাৰ কৰে। দুয়ো ১০০০ ডলাৰ জৰিমনা ভৰাৰ পাছত জামিনত মুকলি কৰি দিয়া হয়।
হাদিদৰ এগৰাকী মুখপাত্ৰই স্পষ্ট কৰি দিয়ে যে ছুপাৰমডেলগৰাকীয়ে চিকিৎসা অনুজ্ঞাপত্ৰ লৈ এন ৱাই চিত আইনীভাৱে ক্ৰয় কৰা ভাং লৈ যাত্ৰা কৰিছিল। ২০১৭ চনৰ পৰা গ্ৰেণ্ড কেমেনত চিকিৎসা ব্যৱহাৰৰ বাবেও ই বৈধ।
মুক্তিৰ পিছত হাদিদে কেমেন দ্বীপপুঞ্জত ছুটীৰ ফটো আৰু ভিডিঅ’ শ্বেয়াৰ কৰি লিখিছে, “অল’ছ ৱেল থ্যাট এণ্ডছ ৱেল।” এই ভিডিঅ'টোত বিকিনি পিন্ধি সাগৰৰ পাৰত বন্ধুৰ সৈতে ৰ'দ উপভোগ কৰা দেখা গৈছে গিগিক।
Continue Reading
