ডিজিটেল ডেস্কঃ প্ৰকাশ পালে হেনলী পাছপৰ্ট সূচাংকৰ তালিকা৷ এতিয়া ছিংগাপুৰে ২০২৩ চনত বিশ্বৰ আটাইতকৈ শক্তিশালী পাছপ’ৰ্ট হিচাপে হেনলি পাছপ’ৰ্ট সূচকাংকত শীৰ্ষস্থান দখল কৰি ১৯২টা ভ্ৰমণ গন্তব্যস্থানলৈ ভিছামুক্ত প্ৰৱেশৰ সুবিধা লাভ কৰিছে।
১৮ জুলাইত প্ৰকাশ পোৱা নতুন তালিকা অনুসৰি পূৰ্বৰ শীৰ্ষ ৰেংক ধাৰী জাপান তৃতীয় ৰেংকলৈ নামি আহিছে।১৯০টা গন্তব্যস্থানলৈ ভিছাবিহীন প্ৰৱেশৰ সুবিধা লাভ কৰি ইউৰোপৰ তিনিখন দেশ – জাৰ্মানী, ইটালী আৰু স্পেইনে এই তালিকাত দ্বিতীয় স্থান লাভ কৰিছে। ইফালে জাপানে পাঁচ বছৰৰ ভিতৰত প্ৰথমবাৰৰ বাবে শীৰ্ষস্থান হেৰুৱাইছে। জাপানে অষ্ট্ৰিয়া, ফিনলেণ্ড, ফ্ৰান্স, লাক্সেমবাৰ্গ, দক্ষিণ কোৰিয়া আৰু ছুইডেনৰ সৈতে তৃতীয় স্থান ভাগ কৰে।
ভাৰতৰ কথা ক’বলৈ গ’লে এই তালিকাত ভাৰতৰ স্থান ৮০। ভাৰতীয় পাছপ’ৰ্টখনে চেনেগাল আৰু ট’গোৰ সৈতে এই স্থান ভাগ কৰে,উল্লেখ্য যে এই তিনিওখন দেশে ৫৭টা গন্তব্যস্থানলৈ ভিছামুক্ত প্ৰৱেশৰ ব্যৱস্থা আছে। ক্ৰমে ১০১, ১০২ আৰু ১০৩ ৰেংক লৈ ছিৰিয়া, ইৰাক আৰু আফগানিস্তান বিশ্বৰ আটাইতকৈ দুৰ্বল পাছপ’ৰ্ট।তদুপৰি ১০০ নম্বৰ স্থানত আছে পাকিস্তান।
ছয় বছৰৰ অৱনতিৰ অন্তত ব্ৰিটেইনে দুটা স্থান ওপৰলৈ আহি চতুৰ্থ স্থান দখল কৰে।আনহাতে আমেৰিকাই সূচকাংকৰ তললৈ এতিয়া দশকজুৰি চলি থকা নিম্নগামীতা অব্যাহত ৰাখিছে, মাত্ৰ ১৮৪টা গন্তব্যস্থানত ভিছামুক্তভাৱে প্ৰৱেশৰ সুবিধাৰে আৰু দুটা স্থান হ্ৰাস পাই অষ্টম স্থানলৈ আমেৰিকাৰ স্থান অৱনমিত হৈছে।
প্ৰায় ১০ বছৰ পূৰ্বে ২০১৪ চনত ব্ৰিটেইন আৰু আমেৰিকা দুয়োখন দেশেই যৌথভাৱে সূচকাংকত প্ৰথম স্থান লাভ কৰিছিল যদিও বৰ্তমান নিম্নগামী স্থানতহে আগবাঢ়িছে।
Continue Reading
