ডিজিটেল ডেস্ক: দেশৰ লাইফলাইন ভাৰতীয় ৰেলৱেই (Indian Railways) সমগ্ৰ বিশ্বৰ দৰবাৰত ভাৰতৰ মানদণ্ড উন্নীত কৰিছে। দেশৰ গৌৰৱস্বৰূপ এই অনুষ্ঠানটো অত্যাধুনিক ভাৰতীয় অভিযান্ত্ৰিকতাৰ উৎপাদন। ইংৰাজে আৰম্ভ কৰিছিল যদিও তাৰ পিছত ভাৰতীয়সকলে এই অনুষ্ঠানটোক আগুৱাই লৈ গৈছিল। ভাৰতীয় ৰে’লৱেই দেশৰ জনসাধাৰণৰ বাবে এঠাইৰ পৰা আন ঠাইলৈ যোৱাৰ ক্ষেত্ৰত আগশাৰীৰ।
ভাৰতীয় ৰে’লৱেৰ উদাৰবাদী মানসিকতা দেখিবলৈ পোৱা যায় যেতিয়া কৰ’ণা পৰিস্থিতিত দেশৰ শ্ৰমিকসকলৰ কাষ চাপিবলৈ বিশেষ ৰে’ল চলোৱা হয়। ৰেলৱেৰ এনে এক আচৰিত তথ্য জানিলে সকলো অভিভূত হ'ব।
দেশত চলি আছে কিছুমান বিশেষ ৰে’ল, যিবোৰৰ বিষয়ে আপুনি হয়তো আগতে নাজানিছিল। আটাইতকৈ দীঘল মালবাহী ৰে’লখন চাৰিখন ৰে’লেই সংযোগ কৰি চলায়। লগতে এনাকণ্ডা নামৰ এখন ৰে’ল চলোৱা হৈছিল যিয়ে তিনিখন ৰে’ল একেলগে সংযোগ কৰে। বৰ্তমান ভাৰতৰ ভিতৰতে আটাইতকৈ দীঘল মালবাহী ৰে’ল হিচাপে অভিলেখ গঢ়িছে বাসুকি নামৰ এখন বিশেষ ৰেলে।
বাসুকি হৈছে ২৯৫ টা ডবা থকা এখন সামগ্ৰী কঢ়িওৱা ৰেল। দৈৰ্ঘ্যত প্ৰায় ৩.৫ কিলোমিটাৰ! এই বৃহৎ মালবাহী ৰে’লখন চলাবলৈ ৫ খন ইঞ্জিন আছে। ৰায়পুৰ ৰেল সংমণ্ডলৰ ভিলাইৰ পৰা বিলাসপুৰ ৰেল সংমণ্ডলৰ কোৰবালৈ মালবাহী ৰেলখন চলি আছে। কিন্তু কেৱল ভাৰততে নহয়, বাসুকিক বিশ্বৰ আটাইতকৈ দীঘল মালবাহী ৰে’ল হিচাপে গণ্য কৰা হয়।
উল্লেখযোগ্য যে ৰেলৱেই এই সামগ্ৰী ৰেলখন চলাবলৈ সুকীয়া ৰেলপথ প্ৰস্তুত কৰিছে। দৰাচলতে ক্ষমতালৈ অহাৰ পাছত নৰেন্দ্ৰ মোদীয়ে উপলব্ধি কৰিছিল যে দেশত সামগ্ৰী পৰিবহণ উন্নত কৰিবলৈ হ’লে ইয়াৰ বাবে এটা সুকীয়া ৰে’লপথ সৃষ্টি কৰিব লাগিব৷ ইয়াৰ বাবে তেওঁ মালবাহী কৰিডৰ উদ্বোধন কৰে। আৰু এই বিশেষ ৰেলখন এই পথতে চলে।
Continue Reading
