কৰ'নাৰ দৰে মাংকিপক্সো এজনৰ পৰা আনজনৰ শৰীৰলৈ বিয়পে নেকি? জানো আহক কি কয় বিশেষজ্ঞই

ডিজিটেল ডেস্ক : কৰ’নাসৃষ্ট ত্ৰাসৰ মাজতে ভুমুকি মাৰিলে এক বিৰল ভাইৰাছে। এই ভাইৰাছৰ নাম দিয়া হৈছে মাংকিপক্স। সমগ্ৰ বিশ্বতে মাংকিপক্স ৰোগীৰ সংখ্যা দ্ৰুতগতিত বৃদ্ধি পাবলৈ ধৰিছে। ইতিমধ্যে বিশ্ব স্বাস্থ্য সংস্থাই ইয়াক বিশ্বব্যাপী জৰুৰীকালীন অৱস্থা ঘোষণা কৰিছে। বিশ্বৰ প্ৰায় ৭০খন দেশত এই ৰোগ বিয়পি পৰিছে। এইপৰ্যন্ত প্ৰায় ১৬ হাজাৰ লোক এই ৰোগত আক্ৰান্ত হৈছে। মাংকিপক্সৰ ক্ৰমবৰ্ধমান ৰোগী বৰ্ধিত পৰিস্থিতিৰ পৰিপ্ৰেক্ষিতত বহু লোক চিন্তিত হৈ পৰিছে যে কৰ’নাৰ দৰে মাংকিপক্সো এজনৰ পৰা আন এজনলৈ দেহলৈ বিয়পিব পাৰে নেকি?

 উল্লেখ্য যে এই প্ৰসংগত নয়ডাৰ মেক্স হাস্পতালৰ চিকিৎসক ডাঃ গুঞ্জন মিট্টালৰ কয় যে বৰ্তমান দিল্লীত মাত্ৰ এটা মাংকিপক্সত আক্ৰান্ত হোৱা তথ্য পোহৰলৈ আহিছে। মাংকিপক্স হৈছে ভাইৰাছজনিত ৰোগ। এনে অৱস্থাত এজন ব্যক্তিৰ পৰা আন এজন ব্যক্তিৰ দেহলৈ এই মাংকিপক্স বিয়পিব পাৰে। কিন্তু কি পৰ্যায়ত মাংকিপক্স এজনৰ পৰা আন এজনলৈ বিয়পিব পাৰে, সেই বিষয়ে এই এতিয়াও সঠিককৈ ক’ব পৰা নাই গৱেষকসকলে।

 ডাক্তৰ গুঞ্জন মিট্টালে কয় যে মাংকিপক্স এটা অতি বিৰল ৰোগ, যিটো জীৱ-জন্তুৰ পৰা মানুহলৈ বিয়পি পৰা ভাইৰাছৰ ফলত হয়। এনে অৱস্থাত এই ভাইৰাছ এজনৰ পৰা আন এজনলৈ বিয়পিব পাৰে। কিন্তু কি পৰ্যায়ত মাংকিপক্স বিয়পিব পাৰে, সেই বিষয়ে এই মুহূৰ্তত গৱেষণা অব্যাহত আছে।