ডিজিটেল ডেস্কঃ এদিনীয়া বিশ্বকাপত সৰ্বাধিক ছয়ৰ অভিলেখ গঢ়িলে ৰোহিত শৰ্মাই। ক্ৰীছ গেইলক এইক্ষেত্ৰত উফৰাই দিয়ে ৰোহিতে। ৱানখেডেত নিউজিলেণ্ডৰ বিৰুদ্ধে বিশ্বকাপৰ ছেমি ফাইনেলত ৰোহিতে অভিলেখ গঢ়ে। মুম্বাই তেওঁৰ ঘৰুৱা খেলপথাৰ। তাতে ৰোহিতে অভিলেখ গঢ়িলে।
বিশ্বকাপত এতিয়ালৈকে সৰ্বাধিক ছয়ৰ অভিলেখ গঢ়িবলৈ সক্ষম হৈছে গেইলে। কেৰিবিয়ান বেটছমেনগৰাকীয়ে এদিনীয়া বিশ্বকাপত ৪৯টা ছয় কৰে। ৰোহিতে তেওঁক অতিক্ৰম কৰে৷ ফলত ২৭ ইনিংছত ৫১টা ছয় মৰাৰ অভিলেখ এতিয়া ৰোহিতৰ হাতত৷
বুধবাৰে ৰোহিতে চাৰিটা ছয় মাৰে। তেওঁৰ ৪৭ ৰানৰ ইনিংছত চাৰিটা ছয় আছিল। তাৰ ভিতৰত ৰোহিতে তৃতীয় ছয়ৰ অভিলেখ ভংগ কৰে। ৰোহিতে ৪.২ অভাৰত বিশ্বকাপত নিজৰ ৫০ সংখ্যক ছয় কৰে।
বিশ্বকাপত সৰ্বাধিক ছয়ৰ তালিকাত গেইলৰ পিছতে আছে গ্লেন মেক্সৱেল। এইবাৰ বিশ্বকাপত দ্বৈত শতক অৰ্জন কৰা অষ্ট্ৰেলিয়ান ক্ৰিকেটাৰগৰাকীয়ে বিশ্বকাপত ৪৩টা ছয় অৰ্জন কৰিছে। দক্ষিণ আফ্ৰিকাৰ এ বি ডি ভিলিয়াৰ্ছে ৩৭টা ছয় মাৰে। ডেভিদ ৱাৰ্নাৰেও ৩৭টা ছয় মাৰে। ৱাৰ্নাৰৰ বাবে ৰোহিতক স্পৰ্শ কৰাটো অতি কঠিন। কিন্তু মেক্সৱেলে ৰোহিতক প্ৰত্যাহ্বান জনাব পাৰে।
Continue Reading
