ডিজিটেল ড়েস্কঃ বাবৰ আজমে সকলো ধৰণৰ ক্ৰিকেটৰ পৰা নেতৃত্ব এৰিলে। তেওঁ এই ঘোষণা ছচিয়েল মিডিয়াত পোষ্ট কৰে। বিশ্বকাপত বেয়া ফলাফলৰ পিছত বাবৰে নেতৃত্ব এৰিলে। এইবাৰ বিশ্বকাপ খেলিবলৈ অহাৰ আগতে পাকিস্তান এদিন এদিনীয়া ক্ৰিকেটত এক নম্বৰ দল আছিল। সেই দলটোৱেই বিশ্বকাপৰ ছেমি ফাইনেলত প্ৰৱেশ কৰিব নোৱাৰিলে। বেটিং, বলিং আৰু ফিল্ডিঙে তিনিওটা শাখাতে ব্যৰ্থ হয় বাবৰে। দেশলৈ উভতি অহাৰ পিছত তেওঁ নেতৃত্ব ত্যাগ কৰে।
তেওঁ লিখিছে, ‘ক্ৰিকেটৰ তিনিটা ফৰ্মেটত পাকিস্তানৰ নেতৃত্ব এৰিলো। সিদ্ধান্ত লোৱাটো বৰ কঠিন আছিল যদিও সময় সঠিক বুলি ভাবো। নেতৃত্ব এৰিলেও তিনিওটা ফৰ্মেটতে পাকিস্তানৰ হৈ ক্ৰিকেট খেলিম। নতুন অধিনায়কক মই সকলো প্ৰকাৰে সহায় কৰিম। মোৰ সকলো অভিজ্ঞতা তেওঁৰ সৈতে ভাগ কৰিম।”
২০১৯ চনত বাবৰক অধিনায়ক হিচাপে নিযুক্তি দিয়া হৈছিল। সেই ঘটনাৰ কথাও তেওঁ নিজৰ পোষ্টত উল্লেখ কৰিছে। বাবৰে লিখিছে, "২০১৯ চনত মোক পাকিস্তান ক্ৰিকেট ব'ৰ্ডে মাতিছিল। সেই ঘটনাটো মোৰ স্পষ্টকৈ মনত আছে। মোক দায়িত্ব দিয়া হ’ল। চাৰি বছৰ ধৰি নেতৃত্ব দিছো। খেলপথাৰৰ ভিতৰত আৰু বাহিৰত ভাল বেয়া সময়ৰ মাজেৰে পাৰ হৈ গৈছে। সদায় ক্ৰিকেট জগতত পাকিস্তানক গৌৰৱান্বিত কৰিবলৈ চেষ্টা কৰিছিলো।"
বাবৰে তেওঁৰ পোষ্টত পাকিস্তানী অনুৰাগীক ধন্যবাদ জ্ঞাপন কৰে। সোঁৱৰাই দিলে যে তেওঁৰ নেতৃত্বতেই পাকিস্তান বগা বল ক্ৰিকেটত এক নম্বৰ হৈছিল। লগতে তেওঁক নেতৃত্বৰ দায়িত্ব দিয়াৰ বাবে পাকিস্তান ক্ৰিকেট ব’ৰ্ডক ধন্যবাদ জ্ঞাপন কৰে।
অধিনায়ক বাবৰে ইডেনত শেষ মেচ খেলিছিল। ইংলেণ্ডৰ বিৰুদ্ধে সেই মেচতো পাকিস্তান পৰাস্ত হৈছিল। সেই মেচৰ আগতে বাবৰে নেতৃত্ব এৰি যোৱাৰ জল্পনা-কল্পনা আৰম্ভ হৈছিল। গম পোৱা গৈছিল যে বাবৰে আৰু নেতৃত্ব দিব নিবিচাৰে।
Continue Reading
