ডিজিটেল ডেস্কঃ ভাৰতৰ ধৰ্মীয় স্বাধীনতাক লৈ আকৌ এবাৰ মুখ খুলিছে আমেৰিকা যুক্তৰাষ্ট্ৰই । যুক্তৰাষ্ট্ৰৰ ষ্টেট ডিপাৰ্টমেণ্টৰ মুখপাত্ৰ নেড প্ৰাইছে কয় যে, “ভাৰত ভিন্ন ধৰ্মীয় লোকৰ বাসস্থান। বাইডেন প্ৰশাসনে ভাৰত চৰকাৰক সেই দেশত বসবাস কৰা প্ৰতিজন ব্যক্তিৰ ধৰ্মীয় স্বাধীনতা ৰক্ষাৰ প্ৰতিশ্ৰুতি বজাই ৰাখিবলৈ উৎসাহিত কৰি যাব।”
“আন্তঃৰাষ্ট্ৰীয় ধৰ্মীয় স্বাধীনতা সম্পৰ্কে আমাৰ বাৰ্ষিক প্ৰতিবেদনত আমি ভাৰতৰ কিছুমান চিন্তনীয় পৰিস্থিতি লক্ষ্য কৰিছোঁ।” মুখপাত্ৰগৰাকীয়ে কয়- “ভাৰতকে ধৰি প্ৰতিখন দেশতে ধৰ্মীয় স্বাধীনতাৰ ওপৰত আমি তীক্ষ্ণ দৃষ্টি ৰাখিছো।”
উল্লেখ্য যে যোৱা সপ্তাহত আমেৰিকাৰ বিদেশ মন্ত্ৰী এণ্টনি ব্লিংকেনে ধৰ্মীয় স্বাধীনতা উলংঘন কৰা ১২ খন দেশক ‘কন্ট্ৰীজ অৱ পাৰ্টিকুলাৰ কনচাৰ্ণ’ হিচাপে তালিকাভুক্ত কৰিছিল। চীন, পাকিস্তান, ম্যানমাৰ আদি দেশৰ নাম ইয়াত অন্তৰ্ভুক্ত কৰা হৈছে।
এই তালিকাখনৰ সন্দৰ্ভত প্ৰাইছে কয় যে ভাৰতৰ পৰিস্থিতি তালিকাভুক্ত ১২খন দেশৰ দৰে আতংকজনক নহয়। বৰঞ্চ ভাৰতৰ ধৰ্মীয় স্বাধিনতা ৰক্ষা কৰাৰ ক্ষেত্ৰত বিডেন প্ৰশাসনে সহযোগ কৰি যাব বুলিহে তেওঁ মন্তব্য প্ৰকাশ কৰে।
Continue Reading
