ডিজিটেল ডেস্কঃ দুদিন পূৰ্বে ভাৰত মহাসাগৰত ডুব গৈছিল চীনৰ এখন মাছমৰীয়া জাহাজ। জাহাজখনত প্ৰায় ৩৯ জন লোক আছিল। তাৰপিছতে চীনে ভাৰতকে ধৰি আন বহু দেশৰ পৰা সহায় বিচাৰিছিল। এইক্ষেত্ৰত ভাৰতে সহাৰি জনাইছে।
এই অভিযানৰ বাবে ভাৰতে নিজৰ P8I যুদ্ধবিমান (এয়াৰক্ৰাফ্ট) প্ৰেৰণ কৰিছে। এই চীনৰ জাহাজ লু পেং ইউয়ান ইউ ০২৮ (Lu Peng Yuan Yu 028) মঙলবাৰে ভাৰত মহাসাগৰৰ মাজত ডুবি যায়। জাহাজখনত থকা ৩৯ জন লোকৰ ভিতৰত ১৭ জন চীনা, ১৭ জন ইণ্ডোনেছিয়ান আৰু ৫ জন ফিলিপাইনছৰ নাগৰিক।
ভাৰতীয় নৌসেনাই জনোৱা মতে, চীনৰ অনুৰোধত ১৭ মে’ত ভাৰতৰ পৰা প্ৰায় ৯০০ সামুদ্ৰিক মাইল দূৰত থকা ভাৰত মহাসাগৰত ভাৰতে P8I যুদ্ধবিমান নিয়োগ কৰিছে। উদ্ধাৰ অভিযানৰ সময়ত জাহাজখনৰ সৈতে জড়িত বহু বিষয়ৰ কথা পৰে।
চীনৰ চৰকাৰী সংবাদ মাধ্যমে প্ৰকাশ কৰা অনুসৰি বৃহস্পতিবাৰে চীনৰ জাহাজখনৰ পৰা দুটা মৃতদেহ উদ্ধাৰ কৰা হৈছে। সংবাদ সংস্থা ছিনহুয়াৰ প্ৰতিবেদন অনুসৰি চীনৰ জাহাজখন ডুব যোৱাৰ পিছত চলি থকা উদ্ধাৰ অভিযানত দুজন নিহত লোকৰ অৱশিষ্ট উদ্ধাৰ কৰা হৈছে। কিন্তু মৃতদেহ দুটা চীন, ইণ্ডোনেছিয়া নে ফিলিপাইনছৰ নাগৰিক সেই সন্দৰ্ভত এতিয়ালৈকে কোনো তথ্য দিয়া হোৱা নাই।
Continue Reading
