ডিজিটেল ডেস্কঃ খালিস্তান সমৰ্থক সন্ত্ৰাসবাদীৰ ইটোৰ পাছত সিটো হত্যাকাণ্ডৰ মাজতে আমেৰিকাৰ পৰা এটা ডাঙৰ ঘটনা চৰ্চালৈ আহিছে। সামাজিক মাধ্যমত দাবী কৰা হৈছে যে আমেৰিকাত ভাৰতৰ ম’ষ্ট ৱাণ্টেড খালিস্তানী সন্ত্ৰাসবাদী তথা ছিখ ফৰ জাষ্টিছৰ প্ৰতিষ্ঠাপক গুৰপতৱন্ত সিং পান্নুৰ পথ দুৰ্ঘটনাত মৃত্যু হৈছে।
এই খৱৰ এইবাবেই ডাঙৰ কাৰণ গুৰপতৱন্ত সিং পান্নুৰ মৃত্যুৱে 'খালিস্তান আন্দোলন' ক ডাঙৰ আঘাত দিব পাৰে। ছ’চিয়েল মিডিয়াত প্ৰকাশিত বাতৰি অনুসৰি পান্নুৰ দুৰ্ঘটনা সংঘটিত হৈছে ইউ এছ হাইৱে ১০১ত। অৱশ্যে খালিস্তানী বা আমেৰিকা চৰকাৰেও এই সন্দৰ্ভত কোনো নিশ্চয়তা এতিয়ালৈকে দিয়া নাই।
৬০ দিনৰ ভিতৰতে হৰদীপ সিং নিজাৰ, অৱতাৰ সিং খাণ্ডা আৰু পৰমজিৎ সিং পাঞ্জৱাৰকে ধৰি তিনিজন খালিস্তান সমৰ্থক সন্ত্ৰাসবাদীৰ মৃত্যু হৈছে। তেওঁলোকৰ মৃত্যুৰ পাছত গুৰপতৱন্ত সিং পান্নুৱে ৩ সপ্তাহ ধৰি আত্মগোপন কৰি আছিল। খালিস্তানী ইউটিউব চেনেলৰ আঁৰতো আছিল গুৰপতৱন্ত সিং পান্নু। শেহতীয়াকৈ খালিস্তানৰ সমৰ্থকক হত্যা কৰাৰ পাছত তেওঁ এটা ভিডিঅ’ মুকলি কৰি এই ঘটনাৰ বাবে কানাডা আৰু আমেৰিকাত থকা ভাৰতীয় দূতাবাসৰ বিষয়াসকলক জগৰীয়া কৰে।
এইটোৱেই আছিল তেওঁৰ শেষ ভাবুকি দিয়া ভিডিঅ’। গুৰপতৱন্ত পান্নুৱে দীৰ্ঘদিন ধৰি আমেৰিকাত বহি পঞ্জাৱ গণভোট ২০২০ৰ নামত খালিস্তানী আন্দোলন চলাই আছিল।আৰু ইয়াত তেওঁ শিখসকলক উচটনি দিবলৈ চেষ্টা কৰিছিল৷
খালিস্তান অভিযানৰ সৈতে শিখসকলক সংযোগ কৰিবলৈ পান্নুৱে ছ’চিয়েল মিডিয়া ব্যৱহাৰ কৰিছিল। পান্নুৰ নিৰ্দেশত চৰকাৰী আৰু ৰাজহুৱা স্থানত খালিস্তানী শ্লোগান লিখি উচটনি দিবলৈ কাম কৰা পঞ্জাৱত এনে বহু লোক ধৰা পৰিছিল।
শেহতীয়া খবৰ অনুসৰি খালিস্তানী নেতাৰ আকস্মিক মৃত্যু আৰু নিৰ্মূলৰ ফলত আমেৰিকা যুক্তৰাষ্ট্ৰ আৰু কানাডাত চলি থকা খালিস্তানী সন্ত্ৰাসবাদী সংগঠনৰ আকাৰ আৰু প্ৰভাৱ হ্ৰাস পৰিব৷
Continue Reading
