ডিজিটেল ডেস্কঃ ভাৰতৰ প্ৰথমজন মুকলিকৈ সমকামী ৰাজকুমাৰ ৰাজকুমাৰ মানবেন্দ্ৰ সিং গোহিলে শেহতীয়াকৈ প্ৰকাশ কৰিছে যে তেওঁৰ যৌনতাক সলনি কৰিবলৈ পিতৃ-মাতৃয়ে কেনেদৰে চিকিৎসাৰ সহায় বিচাৰিছিল। এটা সংবাদ মাধ্যমৰ সৈতে হোৱা এক সাক্ষাৎকাৰত গুজৰাটৰ ৰাজপিপলাৰ মহাৰাজৰ উত্তৰাধিকাৰী গোহিলে তেওঁক সমকামী বুলি কোৱাৰ সময়ত তেওঁৰ যৌনতা সলনি কৰাৰ বাবে মাতৃ আৰু পিতৃয়ে লোৱা চৰম ব্যৱস্থাৰ বিষয়ে কয়। তেওঁৰ পিতৃ-মাতৃয়ে তেওঁক মগজুৰ অস্ত্ৰোপচাৰ আৰু ইলেক্ট্ৰ’শ্বক থেৰাপী কৰিবলৈ চেষ্টা কৰিছিল তেতিয়া তেওঁ নিজকে অপমানিত অনুভৱ কৰিছিল।
সাক্ষাৎকাৰটোত ভাৰতৰ অন্যতম আগশাৰীৰ এলজিবিটি কৰ্মী গোহিলে তেওঁৰ যৌনতাক সলনি কৰাৰ বাবে নিজৰ পিতৃ-মাতৃয়ে কৰা প্ৰচেষ্টাৰ বৰ্ণনা কৰে। তেওঁ কয় যে, "এয়া আছিল বৈষম্য আৰু মানৱ অধিকাৰ উলংঘাৰ এক উদাহৰণ। মই ৰাজকুমাৰ হওক বা নহওঁ, পিতৃ-মাতৃয়ে নিজৰ সন্তানক এই ধৰণৰ নিৰ্যাতনৰ মাজেৰে পাৰ কৰাৰ কোনো অধিকাৰ নাই।"
গোহিলে লগতে কয় যে মোৰ আৰু তেওঁলোকৰ সৌভাগ্যক্ৰমে আমেৰিকান চাইকায়ট্ৰিক এছ’চিয়েশ্যনে কৈছিল যে সমকামিতা কোনো মানসিক বিকাৰ নহয়, গতিকে তেওঁলোক সফল নহ’ল।
তথাপিও ৰাজকুমাৰে কয় যে পিতৃ-মাতৃয়ে সন্তানৰ যৌন অভিৰুচি সলনি কৰাৰ অসাৰ প্ৰচেষ্টাৰ "বেদনা আৰু দুখ" সহ্য কৰাৰ সময়তে তেওঁ তীব্ৰ "লাজ" আৰু "অপমান"ৰ সন্মুখীন হৈছিল।
এতিয়া গোহিলে উচ্চতম ন্যায়ালয়তো আইনী যুঁজ আৰম্ভ কৰিছে যাতে কনভাৰ্চন থেৰাপী আইনৰ দ্বাৰা সম্পূৰ্ণৰূপে নিষিদ্ধ কৰাৰ চেষ্টা কৰা হয়।উল্লেখযোগ্য যে ২০০৬ চনত ৰাজকুমাৰজনে ৰাজহুৱাভাৱে নিজকে সমকামী বুলি ঘোষণা কৰাৰ সময়ত শিৰোনাম দখল কৰিছিল। তেওঁ ভাৰতৰ গুজৰাট ৰাজ্যত অৱস্থিত এলজিবিটিকিউ+ চেৰিটি লাকিছা ট্ৰাষ্টৰ প্ৰতিষ্ঠাপক।
Continue Reading
