ডিজিটেল ডেস্কঃ উত্তৰ প্ৰদেশত ঘটিছে এক শোকাৱহ ঘটনা। ভাত আৰু মেগী একেলগে খোৱাৰ পিছতে দুটা পৰিয়ালৰ শিশুসহ ছগৰাকী লোক অসুস্থ হৈ পৰে।এটি শিশুৰ স্বাস্থ্যৰ অৱস্থাৰ অধিক অৱনতি ঘটাৰ ফলত মৃত্যু ঘটে । পৰিয়ালৰ লোকে প্ৰকাশ কৰা মতে ভাতৰ সৈতে একেলগে মেগী খোৱাৰ পিছতে লোককেইগৰাকী বমি আৰু ডায়েৰিয়াত আক্ৰান্ত হয়। পাঁচগৰাকী লোকক বৰ্তমান চিকিৎসালয়ত চিকিৎসা কৰি থকা হৈছে। চিকিৎসকজনে প্ৰকাশ কৰা মতে খাদ্যৰ বিষক্ৰিয়াৰ ফলতে লোককেইগৰাকী অসুস্থ হৈ পৰিছে।
ঘটনাটো ঘটিছে উত্তৰ প্ৰদেশৰ চন্দিয়া হাজাৰা গ্ৰাম পঞ্চায়তৰ ৰাহুলনগৰ গাঁৱত। গাওঁখনৰ বাসিন্দা চনু আৰু তেওঁৰ শহুৰেক একেটা ঘৰতে বাস কৰে। চনুৰ ভায়েকৰ পত্নী সঞ্জনাই প্ৰকাশ কৰা সন্ধিয়া সকলোৱে ঘৰত মেগী আৰু ভাত খাইছিল। কিছু সময়ৰ পিছত, সঞ্জনা (২২), তেওঁৰ ভগ্নী সঞ্জু (১৮), চনুৰ পত্নী সীমা (৩০), দুই পুত্ৰ ৰোহন (১২), বিবেক (৮) তথা কন্যা সন্ধ্যা (৪)ই বমি আৰু ডায়েৰিয়াত আক্ৰান্ত হয়।
তেওঁলোক সকলোকে চান্দিয়া হাজাৰা গাঁৱৰ চিকিৎসালয়ত ওচৰত ভৰ্তি কৰোৱা হয়। চিকিৎসাৰ পিছত, সকলো লোকক ঘৰলৈ যাবলৈ দিয়া হয়। সঞ্জনাই প্ৰকাশ কৰা মতে ঘৰলৈ আহি সকলোৱে পুনৰ বমি কৰিবলৈ আৰম্ভ কৰে। এই সময়ছোৱাতে চনুৰ পুত্ৰ ৰোহনৰ মৃত্যু হয়। হাজাৰা আৰক্ষী থানাৰ ভাৰপ্ৰাপ্ত বিষয়া পৰমেন্দ্ৰ সিঙে কয় যে খাদ্যৰ বিষক্ৰিয়াৰ ফলতে শিশুটোৰ মৃত্যুৰ হোৱা বুলি ধাৰণা কৰা হৈছে।
খাদ্য সুৰক্ষা বিষয়া সতীশ কুমাৰ আৰু শান্তনু কুমাৰে গাওঁখনত উপস্থিত হৈ আৰু বহু ঠাইৰ পৰা মেগীৰ নমুনা সংগ্ৰহ কৰিছে। চনুৰ ঘৰৰ ওচৰত এটা চিকিৎসা শিবিৰ স্থাপন কৰা হৈছে। মুখ্য ফাৰ্মাচিষ্ট সুশান্ত হালদাৰৰ তত্বাৱধানত এই শিবিৰৰ আয়োজন কৰা হৈছে আৰু ১২০ জন লোকক পৰীক্ষা কৰাৰ লগতে ঔষধ বিতৰণ কৰা হৈছে।
Continue Reading
