ডিজিটেল ডেস্ক
নেহেৰুৰ দিনৰে পৰা ভাৰতে ৰাছিয়াৰ সৈতে সু সম্পৰ্ক বৰ্তাই ৰাখিছে৷ এতিয়াও ম্লান হোৱা নাই ভাৰত আৰু ৰাছিয়াৰ সেই সম্পৰ্ক৷এই সম্পৰ্কই দুয়োখন দেশৰ বৈদেশিক নীতি নিৰ্ধাৰণতো বহু গভীৰ প্ৰভাৱ পেলাইছে৷
শেহতীয়াকৈ ভাৰতে আকৌ এবাৰ ৰাছিয়াৰ বিৰুদ্ধে আৰোপিত অনস্থা প্ৰস্তাৱৰ ওপৰত ভোটদানৰ পৰা নিজকে আঁতৰাই ৰাখে৷ ৰাছিয়াৰ অবৈধ গণভোট আৰু ইউক্ৰেইনৰ অঞ্চলসমূহ দখলক গৰিহণা দি আমেৰিকা যুক্তৰাষ্ট্ৰ আৰু আলবেনিয়াৰ দ্বাৰা প্ৰস্তুত কৰা এখন খচৰাৰ প্ৰস্তাৱত ভাৰতে শুকুৰবাৰে ৰাষ্ট্ৰসংঘৰ নিৰাপত্তা পৰিষদত ভোটদানৰ পৰা বিৰত থাকে। উক্ত উত্থাপিত প্ৰস্তাৱটোৱে দাবী কৰিছিল যে ৰাছিয়াই তৎক্ষণাৎ ইউক্ৰেইনৰ পৰা নিজৰ বাহিনী প্ৰত্যাহাৰ কৰিব।
নিৰাপত্তা পৰিষদৰ সদস্য ১৫ খন দেশে এই প্ৰস্তাৱৰ ওপৰত ভোট দান কৰাটো প্ৰয়োজনীয় আছিল৷ কিন্তু ৰাছিয়াই ইয়াৰ বিৰুদ্ধে ভেটো ব্যৱহাৰ কৰিছিল, যাৰ বাবে প্ৰস্তাৱটো গৃহীত কৰিব পৰা নগ'ল। দহখন দেশে প্ৰস্তাৱৰ সমৰ্থনত ভোট দিছিল আৰু চাৰিখন দেশ ভোটদানৰ পৰা বিৰত আছিল।
ৰাষ্ট্ৰসংঘৰ মহাসচিব এণ্টনিঅ' গুটেৰেছে বৃহস্পতিবাৰে কয় যে , ভাবুকি বা বল প্ৰয়োগৰ দ্বাৰা আন এখন দেশৰ ভূখণ্ড দখল কৰাটো ৰাষ্ট্ৰসংঘৰ চাৰ্টাৰ আৰু আন্তঃৰাষ্ট্ৰীয় আইনৰ নীতিৰ উলংঘন।
Continue Reading
