ডিজিটেল ডেস্ক: কাটাৰত মৃত্যুদণ্ড দিয়া হৈছে ভাৰতীয় নৌসেনাৰ আঠজন প্ৰাক্তন বিষয়াক৷ এবছৰধৰি বন্দী হৈ থকা ভাৰতীয় নৌসেনাৰ প্ৰাক্তন বিষয়াকেইগৰাকীক বৃহস্পতিবাৰে মৃত্যুদণ্ড দিয়া হয়।
ভাৰত চৰকাৰৰ বৈদেশিক পৰিক্ৰমা মন্ত্ৰণালয়ে এই ৰায়ত শোকপ্ৰকাশ কৰি কয় যে তেওঁলোকে সকলো আইনী বিকল্পৰ সন্ধান কৰি আছে। মন্ত্ৰণালয়ে লগতে কয় যে কেন্দ্ৰই কূটনৈতিক আৰু আইনী সহায় অব্যাহত ৰাখিব৷
২০২২ৰ আগষ্টত কোনো অভিযোগ অবিহনে আটক কৰা আঠজন প্ৰাক্তন নৌসেনা বিষয়াই কাটাৰৰ সশস্ত্ৰ বাহিনীক প্ৰশিক্ষণ আৰু সম্পৰ্কিত সেৱা প্ৰদান কৰা এটা ব্যক্তিগত প্ৰতিষ্ঠান - দাহৰা গ্লোবেল টেকন'লজিছ এণ্ড কনচাল্টেন্সি চাৰ্ভিচেছৰ বাবে কাম কৰি আছিল।
প্ৰকাশিত খবৰ অনুসৰি তেওঁলোকৰ বিৰুদ্ধে চোৰাংচোৱাৰ অভিযোগ আৰোপ কৰা হৈছিল। জামিনৰ আবেদন এবছৰৰ ভিতৰত কেইবাবাৰো নাকচ কৰা হৈছিল। এতিয়া বৈদেশিক পৰিক্ৰমা মন্ত্ৰণালয়ে লগতে কৈছে যে কাৰ্যক্ৰমৰ গোপনীয়তাৰ বাবে, এই পৰ্যায়ত আৰু কোনো মন্তব্য কৰা উচিত নহ’ব।
Continue Reading
