ডিজিটেল ডেস্কঃ ভাৰতলৈ আহি আছে সংগীত জগতৰ মহা তাৰকা এড শ্বীৰাণ। ৩২ বছৰীয়া ব্ৰিটিছ কণ্ঠশিল্পীগৰাকীয়ে তৃতীয়বাৰৰ বাবে ভাৰতলৈ আহিব। ২০২৪ চনৰ ১৬ মাৰ্চত তেওঁৰ দ্য মেথেমেটিক্স এছিয়া ট্যুৰৰ অংশ হিচাপে মুম্বাইত অনুষ্ঠান পৰিৱেশন কৰিব শ্বীৰানে।
মহালক্ষ্মী ৰেচকোৰ্চত অনুষ্ঠিত হ’বলগীয়া শ্বীৰাণৰ কনচাৰ্টৰ গ্ৰেণ্ড ফিনালে হ’ব মুম্বাই শ্ব’। মহালক্ষ্মী ৰেচকোৰ্চত অনুষ্ঠিত হ’বলগীয়া শ্বীৰাণৰ কনচাৰ্টৰ টিকটৰ সাধাৰণ বিক্ৰী ২০২৩ চনৰ ২৭ অক্টোবৰত লাইভ হোৱাৰ কথা আৰু ২৫ অক্টোবৰত টিকটৰ প্ৰি-চেল লাইভ হোৱাৰ কথা।
ইয়াৰ পূৰ্বে ২০১৫ আৰু ২০১৭ চনত ভাৰতলৈ আহিছিল এড শ্বীৰাণ। ভাৰতলৈ আহি ২০২৩ চনত বহুকেইজন আন্তঃৰাষ্ট্ৰীয় শিল্পীয়ে গীত পৰিৱেশন কৰিছে। এই বছৰ মুম্বাইকে ধৰি বিভিন্ন চহৰত ষ্ট্ৰ’কছ, জেকচন ৱাং, আৰু দ্য বেকষ্ট্ৰীট বয়ছে গীতৰ অনুষ্ঠান কৰিছে। ২০২৩ চনৰ নৱেম্বৰ মাহত আইৰিছ পপ গ্ৰুপ ৱেষ্টলাইফেও অনুষ্ঠান পৰিৱেশন কৰাৰ কথা।
২০১৯ চনৰ পিছত প্ৰথমবাৰৰ বাবে এছিয়াত কণ্ঠদান কৰিব শ্বীৰানে। যোৱা বছৰ তেওঁ সমগ্ৰ ইউৰোপত দীৰ্ঘদিনীয়া ভ্ৰমণ কৰিছিল।
