ডিজিটেল ডেস্কঃ বিশ্বৰ জনপ্ৰিয় মেছেজিং এপ হোৱাটছএপে মাৰ্চৰ সময়ছোৱাত ১৮লাখতকৈ অধিক ভাৰতীয় একাউণ্ট নিষিদ্ধ কৰিছে। কোম্পানীটোৱে নতুন তথ্য প্ৰযুক্তি নিয়ম ২০২১-ৰ অধীনত এই নিষেধাজ্ঞা আৰোপ কৰিছে আৰু কৈছে যে, মাৰ্চ মাহত ভাৰতৰ পৰা ৫৯৭ টা অভিযোগ অন্তৰ্ভুক্ত হৈছিল। এই অভিযোগৰ ওপৰত ভিত্তি কৰিয়েই হোৱাটছএপ একাউণ্টবোৰৰ ওপৰত এনে ব্যৱস্থা লোৱা হৈছে বুলি সদৰী কৰিছে হোৱাটছএপ কৰ্তৃপক্ষই।
এক বিবৃতিত মেছেজিং এপৰ মুখপাত্ৰজনে কয় যে, আইটি নিয়ম ২০২১ অনুসৰি ২০২২চনৰ মাৰ্চ মাহৰ বাবে ইয়াৰ প্ৰতিবেদন প্ৰকাশ কৰিছে। এই প্ৰতিবেদনখনত ব্যৱহাৰকাৰীসকলৰ অভিযোগ আৰু সম্পৰ্কিত কাৰ্যৰ বিৱৰণ দিয়া হৈছে। ইয়াৰ অধীনত, কেৱল সেই হোৱাটছএপ একাউণ্টবোৰ নিষিদ্ধ কৰা হৈছে, যিবোৰে এই মেছেজিং প্লেটফৰ্মৰ অপব্যৱহাৰ কৰি আছিল।’
কি কাৰণত নিষিদ্ধ হ’ল হোৱাটছএপ একাউণ্টবোৰ
হোৱাটছএপে মাৰ্চ মাহত ১৮লাখতকৈ অধিক একাউণ্ট নিষিদ্ধ কৰিছে। প্ৰকাশিত তথ্য অনুসৰি, এই নিষিদ্ধ একাউণ্টবোৰ কাৰ্যকৰী হৈছিল ১ ৰ পৰা ৩১ মাৰ্চৰ ভিতৰত। নতুন আইটি নিয়মৰ অধীনত, একাউণ্টৰ অপব্যৱহাৰ চিনাক্ত কৰিবলৈ আৰু অধিক নেতিবাচক প্ৰতিক্ৰিয়া প্ৰকাশৰ বাবে এনে পদক্ষেপ গ্ৰহণ কৰিছে।
অজানিতে বন্ধ হোৱা একাউণ্ট পুনৰ খুলিবলৈ কিব কৰিব
একে সময়তে কোম্পানীটোৱে জনাইছে যে, যিসকলৰ একাউণ্ট পুনৰ ব্যৱহাৰযোগ্য কৰি তুলিব বিচাৰে তেওঁলোকে নতুন আইটি নিয়ম ২০২১-ৰ অধীনত ৫ নিযুতৰো অধিক ব্যৱহাৰকাৰীৰ সৈতে ডিজিটেল আৰু ছ'চিয়েল মিডিয়া প্লেটফৰ্মক মাহিলী প্ৰতিবেদন দিব লাগিব।
এই ভুল নকৰিব
হোৱাটছএপে দিয়া তথ্য অনুসৰি, ব্যৱহাৰকাৰীসকলে এই ভুৱা বাতৰি প্ৰচাৰৰ পৰা বিৰত থাকক। অনুমতি অবিহনে বাৰ্তা প্ৰেৰণ কৰি, অশ্লীল মেছেজ কৰি তথা বিভ্ৰান্তিকৰ বস্তুৰ প্ৰতি সমৰ্থন জনাই কাৰোবাক হাৰাশাস্তি কৰিলে বন্ধ হ’ব পাৰে একাউণ্ট।
Continue Reading
