ডিজিটেল ডেস্কঃ বুধবাৰে প্ৰথমবাৰৰ বাবে নিৰাপদ ঘৰৰ পৰা ওলাই আহিছিল শ্বেখ হাছিনা আৰু তেওঁৰ ভগ্নী ৰিহানা। গাজিয়াবাদৰ হিন্দন এয়াৰবেছৰ শ্বপিং কমপ্লেক্সলৈ গৈ অত্যাৱশ্যকীয় সামগ্ৰী আৰু কাপোৰ কিনিছিল। সূত্ৰ অনুসৰি মুঠতে তেওঁ প্ৰায় ৩০ হাজাৰ টকা ক্ৰয় কৰিছিল। অৱশ্যে এই ক্ৰয় এতিয়াও আনুষ্ঠানিকভাৱে নিশ্চিত হোৱা নাই।
শেহতীয়াকৈ বাংলাদেশৰ প্ৰধানমন্ত্ৰীৰ পদ ত্যাগ কৰি ভাৰতত আশ্ৰয় লৈ শ্বেখ হাছিনাই। সূত্ৰ অনুসৰি শ্বেখ হাছিনা বৰ্তমান গাজিয়াবাদৰ হিন্দন এয়াৰবেছৰ নিৰাপদ ঘৰত আছে। বাংলাদেশ সেনাই তেওঁক পদত্যাগ কৰিবলৈ মাত্ৰ ৪৫ মিনিট সময় দিছিল, তাৰ পিছত খৰখেদাকৈ ৰাষ্ট্ৰপতি মহম্মদ চাহাবুদ্দিনৰ হাতত পদত্যাগ পত্ৰ দাখিল কৰি লাগতীয়াল কিছুমান বেগ লৈ ভাৰতলৈ পলায়ন কৰে। তেওঁ লগত লৈ আহিছিল মাত্ৰ ৪টা ছুটকেছ আৰু ২টা বেগ। এতিয়া শ্বেখ হাছিনা ভাৰতত আশ্ৰয় লৈ থকা ৪৮ ঘণ্টাৰো অধিক সময় হ’ল। সূত্ৰ অনুসৰি তেওঁ গাজিয়াবাদৰ হিন্দন এয়াৰবেছৰ নিৰাপদ ঘৰত ভাৰতীয় বায়ুসেনাই আগবঢ়োৱা আতিথ্যৰ সম্পূৰ্ণ সুবিধা লৈছে।
সংবাদ মাধ্যমৰ খবৰ অনুসৰি শ্বেখ হাছিনা আৰু তেওঁৰ ভগ্নী ৰিহানাই যেতিয়া হিন্দন এয়াৰ বেছৰ শ্বপিং কমপ্লেক্সত বজাৰ কৰিছিল তেতিয়া ভাৰতীয় টকাৰে ধন দিছিল। অৱশ্যে তেওঁৰ হাতত কম টকা থকাৰ বাবে বাকীখিনি বাংলাদেশী মুদ্ৰাত পৰিশোধ কৰিলে। ইয়াৰ পৰা দেখা যায় যে তেওঁ নিজৰ মূল মুদ্ৰাৰো ব্যৱহাৰ কৰিছিল।
শ্বেখ হাছিনাৰ স্বাস্থ্যসেৱাৰ বাবে বিমান ঘাটিত বিশেষ ব্যৱস্থা কৰা হৈছে। ভাৰতীয় বায়ুসেনাৰ চিকিৎসকৰ এটা দলে তেওঁৰ নিয়মীয়া স্বাস্থ্য পৰীক্ষা কৰিছে, আৰু তেওঁৰ স্বাস্থ্য সম্পূৰ্ণ ভাল হোৱা দেখা গৈছে৷
শ্বেখ হাছিনাৰ নিৰাপত্তাৰ বাবে বিশেষ গৰুণ কমাণ্ডো নিয়োগ কৰা হৈছে, আৰু নিৰাপত্তাৰ উদ্দেশ্যে তেওঁৰ চাৰিওফালে যান-বাহন আৰক্ষীও উপস্থিত আছে। সোমবাৰে সন্ধিয়া ৫.৩০ বজাত শ্বেখ হাছিনা আৰু তেওঁৰ ভগ্নী ৰেহানা হিন্দন এয়াৰবেছত উপস্থিত হয়। সেইবাবে ৰাষ্ট্ৰীয় নিৰাপত্তা উপদেষ্টা (এন এছ এ) অজিত ডোভালও তেওঁক সাক্ষাৎ কৰিবলৈ বিমান ঘাটিত উপস্থিত হয়।
শ্বেখ হাছিনাৰ ভাৰতত থকা সময়ছোৱা আৰু তেওঁৰ পদক্ষেপ সন্দৰ্ভত এতিয়াও কোনো সুনিৰ্দিষ্ট তথ্য প্ৰকাশ কৰা হোৱা নাই। ভাৰতত তেওঁলোকৰ পৰিস্থিতি আৰু ভৱিষ্যত পৰিকল্পনাৰ ওপৰত নিৰন্তৰ নিৰীক্ষণ চলি আছে, কিন্তু এতিয়ালৈকে কোনো স্পষ্ট সিদ্ধান্ত লোৱা হোৱা নাই।
Continue Reading
