ডিজিটেল ডেস্কঃ দেশত ৭৭ সংখ্যক স্বাধীনতা দিৱস উদযাপনৰ ৬ দিন পূৰ্বে (আজি) প্ৰধানমন্ত্ৰী নৰেন্দ্ৰ মোদীয়ে নিজৰ মাইক্ৰ’ব্লগিং চাইট এক্সৰ ডিছপ্লে পিকচাৰ ৰাষ্ট্ৰীয় পতাকালৈ সলনি কৰে।
‘হৰঘৰ তিৰংগা’ অভিযানৰ তৃতীয় সংস্কৰণৰ প্ৰচাৰ কৰি প্ৰধানমন্ত্ৰীয়ে সকলোকে প্ৰফাইল পিকচাৰ তিৰংগালৈ সলনি কৰি পুনৰ “হৰঘৰ তিৰংগাক এক স্মৰণীয় গণ আন্দোলন” হিচাপে গঢ়ি তুলিবলৈ আহ্বান জনায়।
প্ৰধানমন্ত্ৰী নৰেন্দ্ৰ মোডীয়ে এক্স পোষ্টত লিখিছে ‘‘এইবাৰৰ স্বাধীনতা দিৱস কাষ চাপি অহাৰ লগে লগে পুনৰ হৰঘৰ তিৰংগাক এক স্মৰণীয় গণ আন্দোলন কৰি তুলো আহক। মই মোৰ প্ৰফাইল পিকচাৰ সলনি কৰিছো আৰু আপোনালোক সকলোকে আহ্বান জনাইছো যে একে কাম কৰি আমাৰ তিৰংগা উদযাপনত আমাৰ সৈতে যোগদান কৰক।’’
এই অভিযানৰ মুখ্য আকৰ্ষণ ১৩ আগষ্টত দিল্লীত অনুষ্ঠিত হ’বলগীয়া সংসদ সদস্যৰ বিশেষ ‘তিৰংগা বাইক ৰেলী’। প্ৰগতি ময়দানৰ ভাৰত মাণ্ডপামৰ পৰা আৰম্ভ হোৱা এই ৰেলীৰ অন্ত পৰিব ইণ্ডিয়া গেট হৈ মেজৰ ধ্যানচান্দ ষ্টেডিয়ামত।
Continue Reading
