ডিজিটেল ডেস্কঃ যদি আপুনি ভাবে যে অ’ডি, মাৰ্চিডিজ বা ফাৰাৰীখনেই আটাইতকৈ দামী ঘৰত থকা সম্পদ৷ তেন্তে উল্লেখ কৰিব লাগিব যে কাৰোবাৰ ঘৰত ৰখাই থোৱা ম’হৰ মূল্য অ'ডি,মাৰ্চিদিজ অথবা ফাৰাৰীতকৈ বেছি হ’ব পাৰে। জানো আহক এই চৰ্চিত ম’হটোৰ বিষয়ে সবিশেষ…
এই ম'হটোৰ নাম শ্বেহেনশ্বাহ। এই ম'হটো কেৱল ভাৰতৰ নহয় বৰঞ্চ বিশ্বৰ আটাইতকৈ দামী ম'হ। ম’হটোৰ দৈৰ্ঘ্য ১৫ ফুট আৰু উচ্চতা ৬ ফুটতকৈও অধিক। এই ম’হটোৰ মূল্যত আপুনি কেৱল বিলাসী গাড়ীয়েই নহয় বিলাসী বাংলোও কিনিব পাৰিব। প্ৰকৃততে এই ম'হটোৰ দাম ২৫ কোটি টকা।
দ্বিতীয় স্থানত থকা ম’হটোৰ মূল্য ২৪ কোটি টকা। ১৫০০ কেজি ওজনৰ এই ম’হটোৰ চোৱাচিতাৰ বাবে প্ৰতি বছৰে ১ কোটি টকা খৰচ হয়। এই ম'হটোৰ দৈৰ্ঘ্য ১৪ ফুট আৰু উচ্চতা ৬ ফুট। তৃতীয় স্থানত আছে ছুলতান নামৰ এটা ম’হ। ম’হটোৰ ওজন ৫০০ কিলোগ্ৰাম। ইয়াৰ মূল্য ২১ কোটি টকা। আনহাতে গ’লু নামৰ এটা ম’হ চতুৰ্থ স্থানত আছে।গ’লুৰ দৈৰ্ঘ্য ১৪ ফুট আৰু উচ্চতা ৬ ফুট। এই ম'হটোৰ দাম ১০ কোটি টকা। ম’হটোৰ ওজন প্ৰায় ১৫০০ কিলোগ্ৰাম।
এই তালিকাত পঞ্চম আছে যুৱৰাজ নামৰ ম’হটো৷ এই ম'হটোৰ দৈৰ্ঘ্য ৯ ফুট আৰু উচ্চতা ৬ ফুট। ১৫০০ কেজিৰ এই ম'হটোৰ মূল্য ৯ কোটি টকা। যোৱা ৪ বছৰত এই ম’হৰ বীৰ্যৰ পৰা মুঠ ১.৫ লাখ সন্তান জন্ম হৈছে।
Continue Reading
