ভাৰতত কেনেকৈ অবৈধভাৱে প্ৰৱেশ কৰিব পাৰি? বাংলাদেশী ইউটিউবাৰৰ আপত্তিজনক ভিডিঅ’ই তুলিছে ক্ষোভৰ জোৱাৰ

ডিজিটেল ডেস্কঃ "ডি এইচ ট্ৰেভেলিং ইনফো" চেনেল চলোৱা এজন বাংলাদেশী ইউটিউবাৰে, অবৈধভাৱে ভাৰতত কেনেকৈ প্ৰৱেশ কৰিব লাগে সেই বিষয়ে বুজাই দিয়া এটা পুৰণি ভিডিঅ' ভাইৰেল হোৱাৰ পিছতে ছ'চিয়েল মিডিয়াত উদ্বেগ প্ৰকাশ হৈছে। তেওঁ নিজৰ দৰ্শকক কয় যে বাংলাদেশৰ পৰা ভাৰতত প্ৰৱেশ কৰিবলৈ ভিছা, পাছপ’ৰ্ট, পৰিচয় পত্ৰকে ধৰি কোনো চৰকাৰী নথি-পত্ৰৰ প্ৰয়োজন নাই।

ভিডিঅ’টোত দেখা গৈছে যে ভাৰতৰ প্ৰৱেশ পইণ্ট হিচাপে কাম কৰা বাংলাদেশৰ চিলেট বিভাগত অৱস্থিত সুনামগঞ্জ জিলাত থিয় হৈ আছে। ইয়াৰ পিছত তেওঁ ভাৰতলৈ যোৱা পথ এটাও দেখুৱাইছে। তেওঁ লগতে প্ৰকাশ কৰে যে এই পথটো ল’বলৈ বাছি লোৱা লোকসকলে পৰিণতিৰ সন্মুখীন হ’ব লাগিব, যেনে বি এছ এফৰ বিষয়াৰ মুখৰ আগত পৰা৷

ভিডিঅ’টোৰ পিছৰ অংশত ইউটিউবাৰে ভাৰতত থকা সীমান্ত নিৰাপত্তা বাহিনীৰ (বিএছএফ) শিবিৰ দেখুৱাই তাৰ পিছত কেইটামান সুৰংগ উপস্থাপন কৰে যাৰ মাজেৰে ভাৰতত প্ৰৱেশ কৰিব পাৰে। যদিও তেওঁ মানুহক অবৈধভাৱে দেশত প্ৰৱেশ নকৰিবলৈ, আৰু বাংলাদেশৰ নাম কলংকিত নকৰিবলৈ সকীয়াই দিয়ে, তথাপিও ভিডিঅ’টোত বিতৰ্কৰ সৃষ্টি হৈছে, কিয়নো ইয়াৰ প্ৰতি কেইবাজনো ব্যৱহাৰকাৰীয়ে প্ৰতিক্ৰিয়া প্ৰকাশ কৰিছে।

যোৱা ২৬ জুলাইত ইনষ্টাগ্ৰামত পুনৰ উত্থাপিত হোৱাৰ পিছৰে পৰা ইউটিউবাৰৰ পুৰণি ভিডিঅ’টোৱে দুই লাখৰো অধিক ভিউ লাভ কৰিছে। ৭ হাজাৰৰো অধিক লাইক আৰু অসংখ্য মন্তব্যও আছে।