ডিজিটেল ডেস্ক: ভৱিষ্যতে ভাৰতৰ জাহাজ মেৰামতি প্ৰতিষ্ঠানত দেখিবলৈ পোৱা যাব আমেৰিকা যুক্তৰাষ্ট্ৰৰ নৌসেনাৰ জাহাজ৷ বিগত এটা দশকত ভাৰত আৰু আমেৰিকান সামৰিক বাহিনীৰ মাজত, বিশেষকৈ ভাৰত-প্ৰশান্ত মহাসাগৰীয় অঞ্চলৰ সামৰিক বাহিনীৰ মাজত সহযোগিতা বৃদ্ধি পোৱা পৰিলক্ষিত হৈছে৷ আমেৰিকান নৌসেনাৰ জাহাজ ভাৰতৰ মেৰামতি কৰিবলৈ আৰম্ভ কৰিলে ভাৰত-আমেৰিকা যুক্তৰাষ্ট্ৰৰ প্ৰতিৰক্ষা বাণিজ্য বৃদ্ধিয়ে নহয়, সমান্তৰালভাৱে ভাৰতীয় জাহাজ মেৰমাতি কৰা প্ৰতিষ্ঠানসমূহতো অতিৰিক্ত ব্যৱসায়িক সম্ভাৱনাৰ বাট মুকলি হোৱাৰ সম্ভাৱনা আছে৷
সোমবাৰে ৱাশ্বিংটনত অনুষ্ঠিত ভাৰত-আমেৰিকা যুক্তৰাষ্ট্ৰৰ ২+২ মন্ত্ৰীসভাৰ বৈঠকৰ সময়ত এই সন্দৰ্ভত সিদ্ধান্ত লোৱা হয়। আমেৰিকা যুক্তৰাষ্ট্ৰৰ বিদেশ সচিব এণ্টনি ব্লিঙ্কেনে প্ৰতিৰক্ষা সচিব লয়ড অষ্টিনৰ সৈতে আমেৰিকান প্ৰতিনিধি দলক নেতৃত্ব দিছিল, আনহাতে ভাৰতীয় প্ৰতিনিধি দলটোক বৈদেশিক পৰিক্ৰমা মন্ত্ৰী এছ জয়শংকৰ আৰু প্ৰতিৰক্ষা মন্ত্ৰী ৰাজনাথ সিঙে নেতৃত্ব দিছিল।
২+২ বৈঠকৰ পিছত জাৰি কৰা যুটীয়া বিবৃতিত কোৱা হৈছে, নৌ খণ্ডত প্ৰতিৰক্ষা ঔদ্যোগিক সহযোগিতা আৰু অধিক বৃদ্ধি কৰাৰ বাবে, দুয়োপক্ষই আমেৰিকা যুক্তৰাষ্ট্ৰৰ সামুদ্ৰিক চিলিফ্ট কমাণ্ডৰ (এমএছচি) জাহাজৰ মেৰামতি আৰু তত্বাৱধানৰ বাবে ভাৰতীয় ‘চীপয়াৰ্ড’সমূহ ব্যৱহাৰ কৰাৰ সম্ভাৱনাৰ অন্বেষণ কৰিবলৈ সন্মত হৈছে।
Continue Reading
