ডিজিটেল ডেস্কঃ ভিয়েটনামৰ নতুন ৰাষ্ট্ৰপতি হিচাপে নিৰ্বাচিত হৈছে ভো ভেন থুং। বৃহস্পতিবাৰে নেচনেল এছেম্বলীৰ এক বিশেষ অধিৱেশনত তেওঁক ৰাষ্ট্ৰপতি নিৰ্বাচিত কৰে।
উল্লেখ্য যে ভিয়েটনামৰ শীৰ্ষ চাৰিটা ৰাজনৈতিক পদৰ ভিতৰত এটা হৈছে ৰাষ্ট্ৰপতি পদবী। অৱশ্যে ৰাষ্ট্ৰপতিয়ে মূলতঃ এক আনুষ্ঠানিক ভূমিকাহে পালন কৰে।
স্থানীয় সংবাদ মাধ্যমত প্ৰকাশ পোৱা মতে, নেচনেল এছেম্বলীত উপস্থিত ৪৮৮ জনৰ ভিতৰত ৪৮৭ জনে থুঙক ভোট দিছিল।
ভিয়েটনাম দেশখনে বৰ্তমান তীব্ৰ ৰাজনৈতিক অস্থিৰতাৰ সন্মুখীন হৈছে। দুৰ্নীতি নিৰ্মূলৰ কাম চলি আছে আৰু শাসকীয় কমিউনিষ্ট পাৰ্টিৰ আভ্যন্তৰীণ সংঘাতত কেইবাজনো মন্ত্ৰীক বৰ্খাস্ত কৰা হৈছে। তাৰমাজতে ৰাষ্ট্ৰপতি হিচাপে নিৰ্বাচিত হৈছে থং।
উল্লেখ্য যে বিগত জানুৱাৰী মাহত তদানীত্বন ৰাষ্ট্ৰপতি নগুয়েন জুয়ান ফুকক হঠাতে অপসাৰণ কৰা হয়। ফুকৰ বিৰুদ্ধে ব্যাপক দুৰ্নীতিৰ অভিযোগ উঠিছিল। ফুকৰ অপসাৰণক তেতিয়া দেশৰ দুৰ্নীতি বিৰোধী স্থিতিত এক গুৰুত্বপূৰ্ণ পদক্ষেপ বুলি ধৰা হৈছিল।
Continue Reading
