ডিজিটেল ডেস্কঃ জনপ্ৰিয় ভজন কণ্ঠশিল্পী স্বপ্না তিৱাৰীক হত্যা। এই হত্যাকাণ্ড কোনো বেলেগ মানুহে কৰা নাই, কৰিছে স্বপ্নাৰ স্বামী ৰাহুল তিৱাৰীয়ে। ৰাহুলৰ সৈতে প্ৰেম বিবাহ হৈছিল স্বপ্নাৰ। নিজতকৈ যাক আপোন ভাবিছিল সেইজনৰ হাততে প্ৰাণ গ’ল স্বপ্না তিৱাৰীৰ।
তেওঁলোকৰ দুটা সন্তান আছে, এজন ১০ বছৰীয়া পুত্ৰ আৰু এগৰাকী ৬ বছৰীয়া কন্যা। স্বপ্না তিৱাৰী আছিল কানপুৰৰ বিখ্যাত ভজন গায়িকা। মানুহে স্বপ্নাৰ মাতটো বৰ ভাল পাইছিল, কানপুৰৰ ঘৰে ঘৰে, অনুষ্ঠানে-প্ৰতিষ্ঠানে স্বপ্না তিৱাৰীয়ে ভজন পৰিৱেশন কৰিবলগীয়া হৈছিল। পূজা-পাঠ অনুষ্ঠানতো স্বপ্নাক ভজন গাবলৈ মাতিছিল মানুহে। ছ’চিয়েল মিডিয়াত স্বপ্নাৰ লাখ লাখ ফ’ল’ৱাৰ আছিল, যিয়ে তেওঁৰ কণ্ঠ বহুত ভাল পাইছিল।
স্বপ্নাৰ জনপ্ৰিয়তা ইমানেই বাঢ়ি গৈছিল যে তেওঁৰ ব্যস্ততাৰ অন্ত নাইকিয়া হৈছিল। কামৰ কাৰণে স্বপ্নাই বেলেগ বেলেগ মানুহক লগ পাবলগীয়া হৈছিল যিটো কথা ভাল পোৱা নাছিল স্বামী ৰাহুল তিৱাৰীয়ে। তেওঁ লাহে লাহে স্বপ্নাক সন্দেহ কৰিবলৈ ধৰিলে আৰু স্বপ্নাৰ জনপ্ৰিয়তা দিনক দিনে বৃদ্ধি পোৱাকলৈ তেওঁ জ্বলি-পুৰি মৰিবলৈ ধৰিলে।
সন্দেহৰ বাবে ৰাহুল আৰু স্বপ্নাৰ মাজত কাজিয়া তীব্ৰতৰ হৈ পৰিছিল। বৃহস্পতিবাৰে খঙত মদ্যপান কৰা ৰাহুলে স্বপ্নাক বেয়াকৈ প্ৰহাৰ কৰাই নহয় ছাদৰ পৰা ঠেলি গতিয়াই দিয়ে, ফলত মৃত্যুক সাবটে স্বপ্নাই।
এই ঘটনাৰ পাছতেই দুই সন্তানক লগত লৈ পলায়ন কৰে ৰাহুল তিৱাৰীয়ে।
আৰক্ষীয়ে গ্ৰেপ্তাৰ কৰিছে হত্যাকাৰী স্বামী ৰাহুল তিৱাৰীক।
Continue Reading
