ডিজিটেল ডেস্কঃ ভ্ৰমণ কৰি বহুতেই ভাল পায়। কিন্তু এই অভিজ্ঞতা সকলোৰে বাবে ইমান সুখদায়ক নহয়। আপুনি নিশ্চয় প্ৰায়ে লক্ষ্য কৰি আহিছে যে বহু মানুহৰে যিকোনো বাহনত বাছ, ৰেল, গাড়ী বা বিমানেৰে যাত্ৰা কৰে তেতিয়া তেওঁলোকে বমি, মূৰ ঘূৰোৱাৰ সমস্যাৰ কথা কয়। গতিকে তেনে মানুহে ভ্ৰমণ কৰিব নলগা হ’লেই ভাল পায়। পৰাপক্ষত তেওঁলোক ভ্ৰমণৰ পৰা আঁতৰি থাকে। যদি আপুনিও এনে সমস্যাৰ সন্মুখীন হয়, তেন্তে যাত্ৰাৰ সময়ত এই ৩ টা বস্তু বেগত ৰখাটো ভাল। এই তিনিটা বস্তু লগত ৰাখিলে আপুনি বহুত সকাহ পাব।
এই ৩ টা বস্তু এটা ট্ৰেভেল বেগত ৰাখক
১) নেমুঃ নেমুৰ ঔষধি গুণৰ বিষয়ে আমি সকলোৱে জানো, কিন্তু আপুনি জানেনে যে ই আপোনাক ভ্ৰমণৰ সময়ত বমি আৰু মূৰ ঘূৰোৱাত সহায় কৰিব পাৰে। লগত নেমু ৰাখিব আৰু সমস্যা বাঢ়িলে তাৰ ৰস সেৱন কৰিব। ইচ্ছা কৰিলে পানীৰ বটলত লেমনেডো ৰাখিব পাৰে, যিয়ে সকাহ হিচাপে কাম কৰে।
২) কলঃ ভ্ৰমণ কৰোতে বেগত কল ৰাখক। এই ফলটোৰ পটাছিয়াম পুনৰুদ্ধাৰ কৰাৰ গুণ আছে সেয়ে ই বমিৰ পৰা বহু পৰিমাণে ৰক্ষা কৰিব পাৰে। লং ড্ৰাইভৰ সময়ত বমি বা মূৰ ঘূৰোৱা হ’লে কল খাব লাগে।
৩) আদাঃ আদা এনেকুৱা এটা মছলা যিটো আমি ৰেচিপিৰ সোৱাদ বৃদ্ধি কৰিবলৈ ব্যৱহাৰ কৰো, কিন্তু ভ্ৰমণৰ সময়ত যদি আপোনাৰ বমি হোৱাৰ সমস্যা থাকে, তেন্তে ই আপোনাক বহুত সহায় কৰিব পাৰে। আচলতে ই বমিৰ সমস্যা ৰোধ কৰাত সহায় কৰিব পাৰে আৰু একে সময়তে পেটৰ জ্বলা-পোৰা কমাই তাৎক্ষণিকভাৱে সকাহ দিব পাৰে। আপুনি বেগত কেঁচা আদা লৈ সমস্যা বাঢ়িলে চোবাই খাব। ইচ্ছা কৰিলে আদাৰ কেণ্ডী, থাৰ্মছ ফ্লাস্কত আদা দিয়া চাহ, আদা মিহলাই গৰম পানীও ৰাখিব পাৰে। এনে কৰিলে অস্থিৰতাৰ পৰা উপশম পাব আৰু বমি বন্ধ হ’ব।
Continue Reading
