ডিজিটেল ডেস্ক: পুনৰ অশান্ত হৈ পৰিছে মণিপুৰ।ৰাজ্যখনত বৰ্তি থকা অচলা আৱস্থাই মণিপুৰৰ জনসাধাৰণৰ জীৱন ধাৰাত প্ৰভৱিত কৰাৰ লগতে ৰাজনৈতিক প্ৰক্ষাপটতো বিৰূপ প্ৰভাৱ পেলাইছে৷ মণিপুৰত অব্যাহত থকা এই সংকটৰ মাজতে এন পি পিয়ে মণিপুৰৰ বিজেপি নেতৃত্বাধীন চৰকাৰৰ সমৰ্থন প্ৰত্যাহাৰ কৰিছে৷
প্ৰাপ্ত খবৰ অনুসৰি মুখ্যমন্ত্ৰী এন বীৰেণ সিঙৰ চৰকাৰে মণিপুৰৰ স্বাভাৱিক অৱস্থা ঘূৰাই অনাত ব্যৰ্থ হোৱাকলৈ গভীৰ উদ্বেগ প্ৰকাশ কৰি মেঘালয়ৰ মুখ্যমন্ত্ৰী কনৰাড চাংমা নেতৃত্বাধীন নেশ্যনেল পিপলছ পাৰ্টিয়ে মণিপুৰৰ বিজেপি নেতৃত্বাধীন চৰকাৰৰ পৰা সমৰ্থন প্ৰত্যাহাৰ ঘোষণা সন্দৰ্ভত বিজেপিৰ ৰাষ্ট্ৰীয় সভাপতি জে পি নাড্ডালৈ পত্ৰ প্ৰেৰণ কৰিছে৷
এই পত্ৰৰ জৰিয়তে মেঘালয়ৰ মুখ্যমন্ত্ৰী কনৰাড চাংমায়ে নিজৰ দলৰ অৰ্থাৎ এনপিপিৰ সাতজন বিধায়কক মিত্ৰজোঁটৰ পৰা বাহিৰ কৰাৰ সিদ্ধান্তৰ বিষয়ে ঘোষণা কৰে৷ লগতে মণিপুৰৰ পৰিস্থিতি নিয়ন্ত্ৰণৰ বাহিৰলৈ গতি কৰিছে, নিৰীহ লোকৰ জীৱন হেৰুৱাইছে৷ বৰ্তমানৰ নেতৃত্বই এই জটিল সমস্যাসমূহৰ সমাধানত ব্যৰ্থ হৈছে বুলি পত্ৰ খনত উল্লেখ কৰিছে৷
অৱশ্যে এন পি পিৰ সাতজন বিধায়কৰ সমৰ্থন প্ৰত্যাহাৰৰ পাছতো মণিপুৰৰ বিজেপি নেতৃত্বাধীন চৰকাৰ নিৰাপদ হৈ আছে। কাৰণ ৬০ জনীয়া বিধানসভাত ৩৭ খন আসনৰে সংখ্যাগৰিষ্ঠতা লাভ কৰি আছে। ইয়াৰ উপৰিও বিজেপিয়ে নগা পিপলছ ফ্ৰণ্ট (এনপিএফ)ৰ পাঁচজন বিধায়ক, এজন জেডিইউ বিধায়ক, আৰু তিনিজন নিৰ্দলীয় বিধায়ক ধৰি আঞ্চলিক মিত্ৰ আৰু নিৰ্দলীয়ৰ সমৰ্থন লাভ কৰি আহিছে যদিও প্ৰশ্ন হয় যে মণিপুৰৰ এনে পৰিস্থিত ভঙুমমুখী হোৱাৰ দিশে গতি কৰিছে নেকি নেডা?
শোহতীয়া খবৰ অনুসৰিমহাৰাষ্ট্ৰৰ নিৰ্বাচনী প্ৰচাৰ এৰি আজি পুনৰ দিল্লীলৈ ৰাওনা হৈছিল গৃহমন্ত্ৰীগৰাকী৷ সোমবাৰে মণিপুৰক লৈ বৈঠক অনুষ্ঠিত কৰিব গৃহমন্ত্ৰী অমিত শ্বাহে নিৰবাচনী সভা বাতিল কৰিছে৷
Continue Reading
