ডিজিটেল ডেস্কঃ ১৩ কেজি ওজন হেৰুৱালে এলন মাস্কে। টুইটাৰযোগে এই কথা জনালে বিশ্বৰ শীৰ্ষতম চহকী ব্যক্তিগৰাকীয়ে। এগৰাকী অনুৰাগীক মাস্কে টুইটাৰত হোৱা বাৰ্তালাপত জনায় যে তেওঁৰ ওজন ১৩.৬ কেজি শেহতীয়াকৈ কমিছে।
উল্লেখ্য যে মেদবহুল শৰীৰৰ বাবে ইয়াৰ পূৰ্বে সামাজিক মাধ্যমত ট্ৰ’লৰ সন্মুখীন হৈ আহিছিল এলন মাস্কে। মাস্কৰ শৰীৰক লৈ বহুজনে উপহাস কৰি আহিছে।
তেনে সময়তে নিজৰ ওজন কমাক লৈ আনন্দিত হৈ পৰিছে মাস্ক। এগৰাকী অনুৰাগীয়ে তেওঁ সোধে যে কি উপায়েৰে এলন মাস্কে ওজন হ্ৰাস কৰিবলৈ সক্ষম হৈছে?
তাৰ উত্তৰত মাস্কে কয় যে নিয়মীয়াকৈ লঘোণ, ডায়েবেটিছ দৰৱ আৰু স্বাদহীন আহাৰ কোৱাৰ ফলত তেওঁ এই ফল লাভ কৰিছে।
উল্লেখ্য যে মাস্কৰ বৰ্তমান বয়স ৫১ আৰু এই বয়সতো তেওঁ সুস্বাস্থ্যবান হৈ আহিছে। অনাহাৰে থাকি তেওঁ এই সুস্বাস্থ্যৰ অধিকাৰী হৈ আছে বুলি মাজে মাজে কৈ আহিছে।
Continue Reading
