ডিজিটেল ডেস্কঃ উত্তৰ প্ৰদেশৰ আমৰোহাত ৯ জুনৰ গভীৰ নিশা সংঘটিত হয় এক ভয়ংকৰ পথ দুৰ্ঘটনা। ৰাজ্যিক ঘাইপথ গজৰৌলা সম্ভল পথত দুখন অনিয়ন্ত্ৰিত গাড়ীৰ মুখামুখি সংঘৰ্ষৰ ফলত এই দুৰ্ঘটনা সংঘটিত হয়। এই দুৰ্ঘটনাত ৪ জন যুৱকৰ মৃত্যু হোৱাৰ বিপৰীতে ২ জন লোক আহত হয়। মৃত্যু হোৱা চাৰিজন যুৱক ইউটিউবাৰ বুলি জানিব পৰা গৈছে। চাৰিওজন ইউটিউবাৰে হাছানপুৰৰ পৰা জন্মদিনৰ পাৰ্টি উদযাপন কৰি ঘৰলৈ গৈ আছিল।
এই কাণ্ডৰ পিছত সেই স্থানত ভিৰ হয়। দুৰ্ঘটনাগ্ৰস্ত লোকসকলক চি এইচ চি গজৰৌলালৈ লৈ যায় লোকসকলে। তাত উপস্থিত চিকিৎসকে চাৰিজন যুৱকক মৃত ঘোষণা কৰে। ঘটনাৰ পিছতে পৰিয়ালৰ লোক আৰু আৰক্ষী বিষয়াক খবৰ দিয়া হয়, তাৰ পিছতে তেওঁলোক সেই স্থানত উপস্থিত হয়। আৰক্ষীয়ে জনোৱা মতে, অধিক তদন্ত চলি আছে।
জানিব পৰা মতে, দুৰ্ঘটনাত নিহত যুৱকজনে এৰটিগা গাড়ীৰে জন্মদিন উদযাপন কৰি উভতি আহিছিল। এই সময়তে সন্মুখৰ পৰা আহি থকা এখন বলেৰো গাড়ীৰ সৈতে খুন্দা মাৰে। মৃত্যুমুখত পৰা চাৰিজন ইউটিউবাৰৰ ইউটিউব চেনেলৰ নাম ৰাউণ্ড ২ ৱৰ্ল্ড বুলি জানিব পৰা গৈছে, য’ত তেওঁলোকে কমেডী ভিডিঅ’ নিৰ্মাণ কৰিছিল। তেওঁলোকৰ ইউটিউব চেনেলটো ২০৬ লাখ লোকে চাবস্ক্ৰাইব কৰিছে।
এই ক্ষেত্ৰত হাছানপুৰ চক্ৰৰ চি অ’ পন্ত কুমাৰে কয় যে হাছানপুৰ এলেকাৰ অন্তৰ্গত মনোটা পুলিয়াৰ কাষত এখন এৰটিগা বাহন গৈ আছিল। এই সময়তে সংঘটিত হৈছে এই ঘটনা। ৪ জনৰ মৃত্যু হোৱা বুলি নিশ্চিত হৈছে। বাকী দুজন গুৰুতৰভাৱে আহত লোকক চিকিৎসাৰ বাবে আমৰোহা জিলা চিকিৎসালয়লৈ প্ৰেৰণ কৰা হৈছে। মৃতক কেইজনৰ মৃতদেহ মৰণোত্তৰ পৰীক্ষাৰ বাবে প্ৰেৰণ কৰা হৈছে। মৃত যুৱককেইজন শ্বাহৰুখ, ছলমান, শ্বাহনৱাজ আৰু চাহাফাত বুলি চিনাক্ত কৰা হৈছে।
Continue Reading
