ডিজিটেল ডেস্কঃ ভয়ংকৰ ভূমিকম্পই জোকাৰি গল মৰক্কোত। শুকুৰবাৰে নিশা মৰক্কোত বৃহৎ ভূমিকম্পৰ জোকাৰণি অনুভূত হয়। প্ৰায় ৬.৮ ৰিখটাৰ প্ৰাবল্যৰ জোকাৰণিয়ে দেশখনক জোকাৰি যোৱাত অতি কমেও ৬৩২ জন লোকৰ মৃত্যু হৈছে।
আমেৰিকা যুক্তৰাষ্ট্ৰৰ ভূতাত্ত্বিক জৰীপ অনুসৰি এই ভূমিকম্প দক্ষিণ-পশ্চিম মাৰাকেশৰ ১৮.৫ কিলোমিটাৰ গভীৰতাৰ পৰা নিশা ১১:১১ বজাত উৎপন্ন হয়। যাৰ কম্পন উপকূলীয় চহৰ ৰাবাট, কাছাব্লাংকা আৰু এচাওয়িৰাতো অনুভৱ হয়।
মৰক্কোৰ সংবাদ মাধ্যমৰ খবৰ অনুসৰি এয়া দেশখনৰ বৰ্তমানলৈ সংঘটিত হোৱা আটাইতকৈ ডাঙৰ ভূমিকম্প। এই ভূমিকম্পত নিহত তথা আহতৰ সংখ্যাই বুকু কঁপাই তুলিছে জনসাধাৰণৰ। দেশখনত বৃহৎ ক্ষয়-ক্ষতি হোৱাৰ খবৰ ৰাষ্ট্ৰীয়-আন্তঃৰাষ্ট্ৰীয় সংবাদ মাধ্যমত প্ৰকাশ পাইছে। সমান্তৰালভাবে নিহতৰ সংখ্যা বৃদ্ধি পোৱাৰো আশংকা প্ৰকাশ পাইছে। উদ্ধাৰকাৰী দলে উদ্ধাৰ অভিযান চলাই আছে। এতিয়ালৈকে আহত লোকৰ সংখ্যা ৩৩০ জন বুলি প্ৰকাশ পাইছে।
Continue Reading
