বিশ্বত হৈ থকা যুদ্ধই প্ৰাণ কাঢ়িছে বহু সাংবাদিকৰ! জানি লওক ক'ত কিমানে হেৰুৱালে প্ৰাণ?

ডিজিটেল ডেস্কঃ দক্ষিণ গাডাৰ এখন চিকিৎসালয়ত হোৱা ইজৰাইলী আক্রমণত সোমবাৰে এছ'চিয়েটেড প্ৰেছৰ (এ পি) বাবে কাম কৰা এজন ফ্রীলেন্সাৰকে ধৰি ৪জন সাংবাদিকৰ মৃত্যু হয়। গাজাৰ স্বাস্থ্য বিভাগৰ পৰা এই কথা জনোৱা হয়।

৩৩ বছৰীয়া মৰিয়ম দাগ্গাই গাজাৰ যুদ্ধৰ আৰম্ভণিৰে পৰা এ পি তথা আন সংবাদ প্রতিষ্ঠানৰ বাবে ফ্রীলেন্সাৰ ভিজুৱেল জার্নেলিষ্টৰূপে সেৱা আগবঢ়াই আহিছিল। গাজাৰ স্বাস্থ্য মন্ত্ৰ্যালয়ৰ ৰেকৰ্ড বিভাগৰ মুৰব্বী জাহেৰ আল-বাহেদীৰ মতে নাচেৰ হস্পিটেলত হোৱা উক্ত আক্রমণত ১৯জন লোকৰ মৃত্যু হয়।

দাগ্গাৰ এটি ১২ বছৰীয়া পুত্র সন্তানো আছে। তেওঁক যুদ্ধৰ সময়তে আগতে গাজাৰ পৰা পঠিয়াই দিয়া হৈছিল। সঘনাই নাচেৰত থকা দাগ্গাই শেহতীয়াকৈ শিশুসকলক অনাহাৰৰ পৰা ৰক্ষা কৰিবলৈ চিকিৎসালয়খনৰ চিকিৎসকে কৰা সংগ্ৰামৰ বিষয়ে প্রতিবেদন যুগুতাবলৈ আহিছিল। এই আক্রমণত আল জাজিৰাৰ সাংবাদিক মহম্মদ চালাম আৰু ৰয়টাৰৰ ঠিকাভিত্তিক কেমেৰামেন হুচাম আল-মাচৰীৰো মৃত্যু হয়। আনহাতে ৰয়টাৰৰ ঠিকাভিত্তিক ফটোগ্ৰাফাৰ হাতেম খালেদ এই আক্রমণত আহত হয় বুলি জানিব পৰা গৈছে।

কমিটী টু প্রটেক্ট জার্নেলিষ্ট নামৰ সংস্থাটোৰ মতে ইজৰাইল-হামাছৰ যুদ্ধত যোৱা ২২ মাহত ১৯২জন সাংবাদিকৰ মৃত্যু হৈছে আৰু ৰাছিয়া-ইউক্রেইন যুদ্ধত প্রাণ হেৰুৱাইছে ১৮জন সাংবাদিকে।

উৎসঃ দৈনিক জনমভূমি