ডিজিটেল ডেস্কঃ ২৬ বছৰ বয়সত ৮৪ বছৰীয়া আমিন খানক পৰাস্ত কৰি বিজেপিৰ বিৰুদ্ধে বিদ্ৰোহ কৰি ইতিহাস সৃষ্টি কৰিলে ৰবীন্দ্ৰ সিং ভাটীয়ে।
ৰাজস্থানৰ এজন শিক্ষকৰ পুত্ৰ তথা ২৬ বছৰীয়া যুৱকে বিজেপিৰ বিৰুদ্ধে বিদ্ৰোহ কৰি নিৰ্বাচনত প্ৰতিদ্বন্দ্বিতা কৰে। সমাজৰ পৰা তেওঁৰ শুভাকাংক্ষীয়ে তেওঁক বিদ্ৰোহ নকৰিবলৈ আৰু নিৰ্বাচনত প্ৰতিদ্বন্দ্বিতা নকৰিবলৈ পৰামৰ্শ দিয়ে। কিন্তু, যুৱকজনে কয় যে ৩ বছৰ আগতে মই অখিল ভাৰতীয় বিদ্যাৰ্থী পৰিষদৰ বিৰুদ্ধে বিদ্ৰোহ কৰি পশ্চিম ৰাজস্থানৰ সৰ্ববৃহৎ বিশ্ববিদ্যালয়খনত ইয়াৰ ৫৭ বছৰীয়া ইতিহাসত প্ৰথমবাৰৰ বাবে পতাকা উত্তোলন কৰিছিলো। এইবাৰো মই বিদ্ৰোহ কৰি ইতিহাস সৃষ্টি কৰিম।
আৰম্ভণিতে বিজেপিৰ মানুহে এই কথাক ধেমালি হিচাপেই লৈছিল। তেওঁ ৪-৫ হাজাৰ ভোট পাব বুলি ভবা হৈছিল। কিন্তু, তেওঁ মনোনয়ন দাখিল কৰাৰ লগে লগে তেওঁৰ সৈতে হাজাৰ হাজাৰ লোক ৰাজপথলৈ ওলাই আহে। এই কথা দেখি সকলোৱে স্তম্ভিত হৈ পৰে। তেওঁ যেতিয়া নিৰ্বাচনী প্ৰচাৰৰ বাবে ওলাই আহে তেতিয়া মহিলাৰ পৰা বয়োজ্যেষ্ঠলৈকে সকলোৱে তেওঁৰ কথা শুনি আশীৰ্বাদ দিবলৈ আহে। জনসাধাৰণে তেওঁক ইমানেই আশীৰ্বাদ দিয়ে যে ২৬ বছৰ বয়সত ৮৪ বছৰীয়া এজন বিধায়কক পৰাস্ত কৰি তেওঁ বিধায়ক হয়। সেই যুৱকজনৰ নাম ৰবীন্দ্ৰ সিং ভাটী। ৰাজস্থানৰ বৰমেৰ জিলাৰ শিৱ বিধানসভা সমষ্টিৰ পৰা তেওঁ প্ৰতিদ্বন্দ্বিতা কৰে।
শিৱ বিধানসভাত ৰবীন্দ্ৰ সিং ভাটীয়ে ৭৯৪৯৫টা, নিকটতম প্ৰতিনিধি ফতেহ খানে ৭৫৫৪৫টা, ৮৪ বছৰীয়া বিধায়ক আমিন খানে ৫৫২৬৪টা, বিজেপিৰ স্বৰূপ সিং খৰায়ে ২২৮২০টা আৰু আৰএলপিৰ জালাম সিং ৰাওলোটে ৭৩৪৫টা ভোট লাভ কৰে। ৩ ডিচেম্বৰত ৰবীন্দ্ৰ সিং ভাটিৰ জন্মদিন আৰু ৩ ডিচেম্বৰত তেওঁক বিজয়ী কৰি জন্মদিনৰ উপহাৰ দিলে জনসাধাৰণে।
Continue Reading
