ডিজিটেল ডেস্কঃ লিঅ’নেল মেছিক চুমাৰে উপচাই পেলালে বাংলাদেশৰ জনপ্ৰিয় অভিনেত্ৰী পৰীমণিয়ে। অৱশ্যে বাস্তৱত নহয়, টেলিভিচনৰ পৰ্দাত থকা মেছিকহে চুমা যাচে পৰীমণিয়ে।
বৰ্তমান বিশ্বজুৰি মেছি জ্বৰ চলি আছে। শনিবাৰে মেক্সিকোৰ বিৰুদ্ধে হাই ভল্টেজ মেচখনত মেছিৰ অনবদ্য প্ৰদৰ্শনৰ বাবেই আৰ্জেণ্টিনাই বিজয়সাব্যস্ত কৰে। এই বিজয়ৰ দ্বাৰা বিশ্বকাপত আৰ্জেণ্টিনাৰ আশা সজীৱ হৈ পৰিছে।
মেচখনৰ উত্তাজনাৰ পৰা বাচি যোৱা নাছিল বাংলাদেশৰ অভিনেত্ৰীগৰাকীয়ে। মেছিৰ অনুৰাগী পৰীমণিয়ে প্ৰিয় খেলুৱৈগৰাকীক কাষত নাপালেও টিভিৰ পৰ্দাত দেখিয়ে কেইবাটাও চুমা যাচে।
আৰ্জেণ্টিনাৰ জাৰ্চি পিন্ধি পৰীমণিয়ে মেছিয়ে গ’ল কৰাৰ পাছতে উল্লাসিত হৈ পৰে। এটাৰ পাছত আন এটা ফ্লায়িং কিছ দিবলৈ ধৰে মেছিক। সমগ্ৰ মুহূৰ্তটোৰ ভিডিঅ’টো সামাজিক মাধ্যমত শ্বেয়াৰ কৰিছে অভিনেত্ৰীগৰাকীয়ে।
উল্লেখ্য যে বাংলাদেশৰ জনপ্ৰিয় অভিনেত্ৰী পৰীমণিৰ কেইবাখনো চিনেমাই জনপ্ৰিয়তা অৰ্জন কৰিছে। এইসমূহৰ ভিতৰত আছে আৰ’ ভালোবাসব’ তোমায়, ৰক্ত, স্বপ্নাঞ্জল ইত্যাদি। চিনেমাৰ উপৰিও ব্যক্তিগত জীৱনৰ বাবেও চৰ্চাত থাকে পৰীমণি।
Continue Reading
