যোগ্যতা অৰ্জন কৰিও ১৯৫০ চনৰ ফিফা বিশ্বকাপৰ পৰা বিৰত আছিল ভাৰত খালী ভৰিৰে অলিম্পিক খেলা ভাৰতে বিশ্বকাপৰ পৰা আঁতৰি অহাৰ গোপন কাৰণ

১৯৫০ চনৰ ফিফা বিশ্বকাপ দ্বিতীয় বিশ্বযুদ্ধৰ পিছত ব্ৰাজিলৰ দ্বাৰা আয়োজিত হৈছিল৷  কিন্তু নানা সমস্যাই আগুৰি ধৰিছিল খেলখনক৷ম। বেছিভাগ দেশে দক্ষিণ আমেৰিকা ভ্ৰমণৰ বিৰুদ্ধে সিদ্ধান্ত লোৱাৰ পিছত ভাৰতে ১৯৫০ চনৰ বিশ্বকাপত খেলিবলৈ আমন্ত্ৰণ লাভ কৰিছিল। মাত্ৰ ১৩ খন দেশে ইভেণ্টত অংশগ্ৰহণ কৰিবলৈ ব্ৰাজিলত উপস্থিত হৈছিল। স্পৰ্টছ ইলাষ্ট্ৰেটেডৰ মতে,সেইসময়ত  ভাৰতে অলিম্পিকক বিশ্বকাপতকৈ ডাঙৰ বুলি গণ্য কৰিছিল যিহেতু বিশ্বকাপে ১৯৫০ মাত্ৰ চাৰিবছৰতহে ভৰি থৈছিল। প্ৰতিবেদনখনত কোৱা হৈছে যে অল ইণ্ডিয়া ফুটবল ফেডাৰেশ্যনে (এআইএফএফ) জাহাজৰ জৰিয়তে ব্ৰাজিললৈ দল  প্ৰেৰণ কৰাৰ পক্ষপাতী নাছিল। ব্ৰাজিলে আনকি ভ্ৰমণ ব্যয়ৰ পৃষ্ঠপোষকতা কৰাৰ প্ৰস্তাৱ দিছিল, কিন্তু সেইয়া  এ আই এফ এফে অস্বীকাৰ কৰিছিল।জাহাজ কেন্দ্ৰীক কাৰণতে হয়াো বিশ্বকাপৰ পৰা আঁতৰি থাকিবলৈ বাধ্য হৈছিল ভাৰত৷  

১৯৫০ চনত ভাৰতীয় ফুটবল দলৰ অধিনায়ক চাইলেন মান্নাই  সেই সময়ত বিশ্বকাপৰ বিষয়ে তেওঁলোকৰ কোনো ধাৰণা নাছিল বুলিও প্ৰকাশ কৰিছিল৷ আনহাতে অলিম্পিক ভাৰতৰ  বাবে সেইসময়ত যথেষ্ট গুৰুত্বপূৰ্ণ আছিল৷ 

ভাৰতীয় ফুটবল দলটোৱে কেতিয়াবা খালি ভৰিৰে খেলিছিল নেকি?

ভাৰতীয় ফুটবল দলটোৱে খালি ভৰিৰে ১৯৪৮ চনৰ অলিম্পিক খেলিছিল। ভাৰতীয় দলটোৱে হয় খালি ভৰিৰে বা মোজাৰে খেল পথাৰত নামিছিল। ফ্ৰান্সৰ বিৰুদ্ধে প্ৰথম ৰাউণ্ডত ভাৰতীয়সকলে তেওঁলোকৰ প্ৰতিদ্বন্দীক ১-১ ত ধৰি ৰাখিবলৈ সক্ষম হয়। আকৰ্ষণীয় প্ৰদৰ্শনৰ পিছত, ৰজা ষষ্ঠ জৰ্জে চিয়াইদ প্ৰশিক্ষকক আব্দুল ৰহিমৰ নেতৃত্বত থকা  ভাৰতীয় দলটোক বাকিংহাম পেলেচলৈ আমন্ত্ৰণ জনায়। অৱশ্যে হেলচিঙ্কিত পৰৱৰ্তী অলিম্পিকত (১৯৫২) ভাৰতীয়সকলে খালি ভৰিৰে খেলিবলৈ অসুবিধা পাইছিল আৰু যুগোশ্লাভিয়াই ১০-১ গ'লত পৰাজিত  কৰিছিল। তেওঁলোকৰ এনে পৰাজয়ৰ প্ৰতি লক্ষ্য ৰাখিয়েই  এ.আই.এফ.এফ.-এ খেলুৱৈসকলৰ বাবে বুট পিন্ধাটো বাধ্যতামূলক কৰিছিল।