ডিজিটেল ডেস্কঃ এফালে থাকিব যুৱৰাজ সিং, হৰভজন সিং, সুৰেশ ৰাইনা। আনফালে থাকিব শ্বাহিদ আফ্ৰিদি, আব্দুৰ ৰাজ্জাকা। অহা ৬ জুলাইত ভাৰত-পাকিস্তানৰ আন এখন মেচ দেখা যাব। লিজেণ্ডছ ৱৰ্ল্ড চেম্পিয়নশ্বিপত দেখা যাব ভাৰত আৰু পাকিস্তানৰ কিংবদন্তিৰে গঠিত দুটা দল।
ইংলেণ্ডত ৩-১৩ জুলাইলৈ অনুষ্ঠিত হ’ব লিজেণ্ডছ ৱৰ্ল্ড চেম্পিয়নশ্বিপ। ইণ্ডিয়া চেম্পিয়ন, পাকিস্তান চেম্পিয়ন, ইংলেণ্ড চেম্পিয়ন, অষ্ট্ৰেলিয়া চেম্পিয়ন, দক্ষিণ আফ্ৰিকা চেম্পিয়ন আৰু ৱেষ্ট ইণ্ডিজ চেম্পিয়ন খেলিব। প্ৰতিযোগিতাখনৰ প্ৰথম ১০খন মেচ আৰু ফাইনেল বাৰ্মিংহামৰ এডগবাষ্টনত অনুষ্ঠিত হ’ব। আৰু ৭খন মেচ আৰু ছেমি ফাইনেল নৰ্থাম্পটনৰ কাউন্টি গ্ৰাউণ্ডত অনুষ্ঠিত হ’ব।
এডগবাষ্টনত অনুষ্ঠিত হ’ব ভাৰত আৰু পাকিস্তানৰ কিংবদন্তি মেচখন। পাকিস্তান দলত শ্বাহিদ আফ্ৰিদি, শ্বোৱেইব মালিক, মহম্মদ হাফিজ, সোহেইল তনবীৰ, ৱাহাব ৰিয়াজেও খেলাৰ কথা। ৰাউণ্ড ৰবিন ফৰ্মেটত অনুষ্ঠিত হ’ব এই প্ৰতিযোগিতা। অৰ্থাৎ প্ৰতিটো দলে লীগ পৰ্যায়ত এবাৰ ইটোৱে সিটোৰ বিৰুদ্ধে খেলিব। শীৰ্ষ চাৰিটা দলে ছেমি ফাইনেলত খেলিব।
ইংলেণ্ডৰ বিৰুদ্ধে প্ৰথমখন খেল খেলিব ভাৰতে। ৩ জুলাইত প্ৰথমখন খেল। ইয়াৰ পিছত ৫ জুলাইত ৱেষ্ট ইণ্ডিজৰ বিৰুদ্ধে। ৬ জুলাইত পাকিস্তানৰ বিৰুদ্ধে। ৮ জুলাইত অষ্ট্ৰেলিয়া আৰু ১০ জুলাইত দক্ষিণ আফ্ৰিকাৰ বিৰুদ্ধে খেলিব।
Continue Reading
