--°C
Loading...
Listen to Article
2 min read
80%
ডিজিটেল ডেস্কঃ ইউক্ৰেইন- ৰাছিয়াৰ মাজৰ ৰক্তক্ষয়ী যুদ্ধ, চীনৰ টাইৱান আক্ৰমণৰ ভাবুকিৰ মাজতে আজি যুদ্ধৰ দামামা বাজি উঠিছে আৰ্মেনিয়া-আজাৰবাইজানৰ মাজত। ২০২০ চনত হোৱা আৰ্মেনিয়া-আজাৰবাইজানৰ যুদ্ধত  ১০ হাজাৰৰো অধিক লোক নিহত হৈছিল। প্ৰায় দুবছৰ ধৰি শান্ত হৈ থকা  নাগৰ্নো-কাৰবাখত পুনৰ  সংঘৰ্ষৰ দানল জ্বলি উঠিছে।

আন্তৰ্জাতিক সংবাদ মাধ্যমৰ খবৰ অনুসৰি দুয়োখন দেশৰ সৈন্যবাহিনীয়ে বিতৰ্কিত নাগৰ্নো-কাৰবাখ অঞ্চল দখলক লৈ পুনৰ যুঁজত লিপ্ত হৈছে । জানিব পৰা মতে  আজাৰবাইজানৰ সেনাই শেহতীয়াকৈ বিতৰ্কিত নাগৰ্নো-কাৰবাখ অঞ্চলৰ কেইবাটাও  গুৰুত্বপূৰ্ণ  স্থান দখল কৰিছে। আৰ্মেনিয়াৰ সেনাই ইয়াৰ প্ৰত্যুত্তৰতে আজাৰবাইজানক আক্ৰমণ কৰাৰ সন্দেহ কৰা হৈছে। শেহতীয়া যুদ্ধত দুয়োপক্ষৰ  কেইবাজনো সৈনিক নিহত হোৱাৰ খবৰ পোৱা গৈছে। 

 আমেৰিকাই আজাৰবাইজানৰ শেহতীয়া যুদ্ধত উদ্বেগ প্ৰকাশ কৰিছে। ২০২০ চনত আমেৰিকাৰ মধ্যস্থতাতে  আৰ্মেনিয়া-আজাৰবাইজানৰ মাজত যুদ্ধ বিৰতি হৈছিল।  আমেৰিকা যুক্তৰাষ্ট্ৰৰ বৈদেশিক দপ্তৰে দুয়োপক্ষকে যুঁজ বন্ধ কৰিবলৈ আৰু আলোচনাৰ জৰিয়তে সমস্যাটোৰ সমাধান কৰিবলৈ আহ্বান জনাইছে। উল্লেখ্য  আৰ্মেনিয়াক  ৰাছিয়াই সমৰ্থন কৰি আহিছে। কিন্তু ইউক্ৰেইনৰ যুদ্ধৰ  বাবে এইবাৰ হয়তো আৰ্মেনিয়া-আজাৰবাইজানৰ যুদ্ধত ৰাছিয়া জৰিত নহ’ব।ৰাছিয়াৰ অনুপস্থিতিৰ সম্পূৰ্ণ সুযোগ   আজাৰবাইজানে গ্ৰহণ কৰা বুলি বিশেষজ্ঞ মহলে দাবী কৰিছে।

 এটা সময়ত আজাৰবাইজান আৰু আৰ্মেনিয়া ছোভিয়েট ইউনিয়নৰ অংশ আছিল। ১৯৯০ ৰ দশকত ছোভিয়েটৰ পতনৰ পিছত আজাৰবাইজান আৰু আৰ্মেনিয়াৰ  সীমান্তত সংঘৰ্ষ আৰম্ভ হয়। সেই সময়ত আৰ্মেনিয়াৰ সহায়ত নাগৰ্নো-কাৰবাখ অঞ্চল আজাৰবাইজানৰ পৰা মুক্ত  কৰা হৈছিল। ২০২০ চনত আৰ্মেনিয়া আৰু আজাৰবাইজানে  বিতৰ্কিত অঞ্চলক লৈ যুদ্ধত লিপ্ত হয়। ২০২০ চনত হোৱা শান্তিচুক্তি অনুসৰি ৰাছিয়াৰ শান্তিৰক্ষী বাহিনী বৰ্তমান বিতৰ্কিত অঞ্চলত নিয়োজিত হৈ আছে। মন কৰিবলগীয়া যে ৪,৪০০ বৰ্গ কিলোমিটাৰ দৈৰ্ঘ্যৰ বিতৰ্কিত নাগৰ্নো-কাৰবাখ অঞ্চলটো আজাৰবাইজানৰ ভৌগোলিক সীমাৰ ভিতৰতে আছে, কিন্তু  সেই স্থান এতিয়াও আৰ্মেনিয়াৰ বিদ্ৰোহীসকলৰ নিয়ন্ত্ৰণত আছে। অঞ্চলটোৰ দখলক লৈ ১৯৮৮ চনত প্ৰথমে আৰ্মেনিয়া-আজাৰবাইজানৰ মাজত  সংঘৰ্ষৰ সূত্ৰপাত ঘটিছিল। 

১৯৯১ চনত ছোভিয়েট ইউনিয়নৰ পতনৰ পিছত দুয়োখন নতুনকৈ স্বাধীন  হোৱা দেশে যুদ্ধত লিপ্ত হৈ আহিছে। নাগৰ্নো-কাৰবাখ অঞ্চলটোৰ প্ৰায় ১,৫০,০০০ বাসিন্দাৰ বেছিভাগেই আৰ্মেনিয়ান খ্ৰীষ্টান। নাগৰ্নো-কাৰবাখ অঞ্চলকলৈ ২০২০ চনৰ  ২৭ ছেপ্তেম্বৰৰ পৰা ভয়ংকৰ যুদ্ধত লিপ্ত হোৱা আজাৰবাইজান আৰু আৰ্মেনিয়াই যুদ্ধবিৰতি ঘোষণা কৰিবলৈ সন্মত হৈছিল।সেইমতে যুদ্ধ বিৰতিৰ চুক্তি হৈছিল যদিও শেহতীয়া যুদ্ধই সেই চুক্তিক অৰ্থহীন কৰি তুলিছে।

FOLLOW US F
POPULAR
FEATURE
TRENDY
হানীমুনত বাৰ্বিকিউৰ জুইত দগ্ধ নৱবিবাহিতা; দুমাহ জীৱন-মৃত্যুৰে যুঁজি অৱশেষত শেষ নিঃশ্বাস ত্যাগ
অসমৰ পৰা হেৰাই যাবলৈ ধৰিছে ‘গঙা চিলনী’
ক্ষেপণাস্ত্ৰ পৰীক্ষাৰ বাবে জাপানে ব্যৱহাৰ কৰিব ভাৰতৰ ফায়াৰিং ৰেঞ্জ, দ্বিপাক্ষিক প্ৰতিৰক্ষা সম্পৰ্ক শক্তিশালী কৰাৰ লক্ষ্য
ভাৰতৰ সেউজ শক্তিত ৭০০ কোটি ডলাৰ বিনিয়োগ কৰিব এমাজনে
উখল মাখল নলবাৰী; তেৰদিনীয়া বিস্তৃত কাৰ্যসূচীৰে ২৪ নৱেম্বৰৰ পৰা ৰাস মহোৎসৱ
কেৱল মৌখিক নির্দেশত দিয়া নিযুক্তিত কৰ্মচাৰীয়ে লাভ নকৰে পেঞ্চনকে ধৰি অন্যান্য অৱসৰকালীন সা-সুবিধা: গুৱাহাটী উচ্চ ন্যায়ালয়
আজি মুম্বাইত উপস্থিত হ’ব ব্ৰিটেইনৰ ৰাজকুমাৰ উইলিয়াম আৰু ৰাজকুমাৰী কেট; দিল্লীত প্ৰধানমন্ত্ৰী মোদীৰ সৈতে বৈঠক
ৰে’লত টিকট নাই, বিমানৰ টিকটৰো আকাশলংঘী দাম; ২৬ লাখ টকাৰ গাড়ী কিনি ষঠ পূজাৰ বাবে ঘৰলৈ আহিল এজন ব্যক্তি
২০০ মেগাৱাট বিদ্যুৎ পৰিবহণৰ লক্ষ্যৰে নির্মাণ হ’ব ভাৰত-ছিংগাপুৰ বিদ্যুৎ পৰিবাহী কৰিড’ৰ
অজনাৰ নদী চাফা কৰি চৰ্চাত অহা বিট্টু তবাহি অসুস্থ, মানুহে পুনৰ আৱৰ্জনা পেলাই লেতেৰা কৰিছে নদীখন
বাংলাদেশৰ প্রাক্তন প্রধানমন্ত্রী শ্বেখ হাছিনাৰ প্ৰত্যর্পণৰ সকলো আইনী প্রক্রিয়া সম্পূর্ণ কৰিলে ঢাকাই
TVS গ্ৰুপত সম্পত্তিক লৈ ডাঙৰ বিবাদ! ভাতৃৰ সমান অংশীদাৰী বিচাৰি পিতৃলৈ আইনী জাননী প্ৰেৰণ কন্যাৰ
উত্তৰাখণ্ডত দুটাকৈ ভয়ংকৰ দুৰ্ঘটনাত মুঠ ১২ জনৰ মৃত্যু; কেইবাজনো লোক গুৰুতৰভাৱে আহত
চুৰিৰ উদ্দেশ্যে ঘৰত সোমাই পতি-পত্নীক হত্যা; ‘ডাবল মাৰ্ডাৰ’ৰ ঘটনাই কঁপাইছে কনৌজ