ডিজিটেল ডেস্কঃ নেপালৰ এজন ২৬ বছৰীয়া যুৱকৰ পেটৰ পৰা ভদকাৰ বটল এটা উলিয়াই আনিবলৈ অস্ত্ৰোপচাৰ কৰিবলগীয়া হ'ল চিকিৎসকে। এই ঘটনাৰ সন্দৰ্ভত এজন ব্যক্তিক গ্ৰেপ্তাৰ কৰিছে আৰক্ষীয়ে।
ৰাউতহাট জিলাৰ গুজৰা পৌৰসভাৰ নুৰছাদ মনছুৰী নামৰ যুৱকজনে পেটৰ তীব্ৰ বিষৰ বাবে চিকিৎসকৰ কাষ চাপে। চিকিৎসা পৰীক্ষাৰ সময়ত যুৱকজনৰ পেটত ভদকাৰ বটল থকা কথাটো ধৰা পৰে।
পাঁচ দিন পূৰ্বে চিকিৎসালয়ত ভৰ্তি হোৱাৰ পাছত বটলটো সফলতাৰে উলিওৱাৰ বাবে ডেৰ ঘণ্টাৰ অস্ত্ৰোপচাৰ কৰা হৈছিল।
এজন চিকিৎসকে কয় যে বটলটোৱে তেওঁৰ অন্ত্ৰ ফালি পেলাইছিল, যাৰ ফলত মল লিক হৈছিল আৰু অন্ত্ৰ ফুলিছিল। এতিয়া তেওঁ বিপদৰ পৰা মুক্ত।
আৰক্ষীৰ মতে, নুৰছাদৰ বন্ধুসকলে হয়তো তেওঁক মদ্যপান কৰি থাকোতে মলদ্বাৰৰ মাজেৰে বটল এটা জোৰকৈ সোমাই দিছিল।
সন্দেহ কৰা হৈছে যে বটলটো নুৰছাদৰ মলদ্বাৰৰ মাজেৰে জোৰকৈ পেটত সোমাইছিল। ভাগ্য ভাল যে যুৱকজনৰ মৃত্যু নহ'ল।
ঘটনা সন্দৰ্ভত ৰাউতহাট আৰক্ষীয়ে শ্বেখ সমীম নামৰ এজন যুৱকক গ্ৰেপ্তাৰ কৰাৰ লগতে নুৰছাদৰ দুই এজন বন্ধুকো জেৰা কৰিছে।
ৰাউতহাটৰ আৰক্ষী অধীক্ষক বীৰ বাহাদুৰ বুঢ়া মাগৰে কয় যে ''নুৰছাদৰ আন কেইজনমান বন্ধু পলাতক হৈ আছে আৰু আমি তেওঁলোকক বিচাৰি আছো।''
Continue Reading
