ডিজিটেল ডেস্ক: ৰাজ্যৰ শিক্ষা খণ্ডৰ বাবে সুখবৰ। অসমৰ ১০০খন বিদ্যালয় নিৰ্মাণৰ বাবে ৰাজ্য চৰকাৰখনে ৪৫৫ কোটি টকা ব্যয় কৰিব। একেদৰে গুৱাহাটীত নির্মাণকার্য চলাই থকা নতুন চিকিৎসা মহাবিদ্যালয়খনৰ বাবেও বাজেট বৃদ্ধি কৰা হৈছে।
মুখ্যমন্ত্রী ড° হিমন্ত বিশ্ব শৰ্মাৰ অধ্যক্ষতাত অনুষ্ঠিত ৰাজ্যিক কেবিনেটৰ বৈঠকত এই গুৰুত্বপূৰ্ণ সিদ্ধান্ত গ্রহণ কৰা হয়।
বৈঠকৰ পাছত মুখ্যমন্ত্ৰীগৰাকীয়ে প্ৰকাশ কৰা মতে ৰাজ্যৰ বিভিন্ন জিলাত মুঠ ১০০খন বিদ্যালয় নিৰ্মাণ কৰা হ'ব। ইয়াৰ বাবে কেবিনেটে ৪৫৫ কোটি টকাৰ অনুমোদন দিছে।
একেদৰে কেবিনেটে এম এম চি এইচ আৰু কালাপাহাৰ চৌহদক কেন্দ্ৰ কৰি ৮০০খন বিছনাযুক্ত সাধাৰণ চিকিৎসালয়ৰ সৈতে এখন চিকিৎসা মহাবিদ্যালয় নিৰ্মাণৰ বাবে ১,২০১.১৬ কোটি টকাৰ সংশোধিত বাজেটতো প্রশাসনিক অনুমোদন প্রদান কৰিছে বুলিও জানিবলৈ দিয়ে মুখ্যমন্ত্ৰীগৰাকীয়ে।
উৎসঃ দৈনিক জনমভূমি
Continue Reading
