১১২ বিধ ঔষধ নিৰ্ধাৰিত মানৰ নহয়, চেন্ট্রেল ড্রাগছ ষ্টেণ্ডার্ড কন্ট্র'ল অর্গেনাইজেশ্যনৰ প্ৰতিবেদনত ভয়ংকৰ তথ্য

ডিজিটেল ডেস্ক : ৰোগীৰ চিকিৎসাত ব্যৱহাৰ কৰা কেইবাবিধো ঔষধ নির্দিষ্ট মানৰ নহয় বুলি এখন প্রতিবদেনত প্রকাশ কৰিছে চেন্ট্রেল ড্রাগছ ষ্টেণ্ডার্ড কন্ট্রল অর্গেনাইজেশ্যনে (চি ডি এছ চি অ')। 

এই ঔষধসমূহৰ ভিতৰত পেৰাচিটামল, পেনট'প্রাজল, মাল্টিভিটামিন, এন্টিবায় 'টিক, ৰক্তচাপত সেৱন কৰা ঔষধ, প্রসূতিক দিয়া ইনজেকশ্যনৰ লগতে আছে আন ভালেমান ঔষধ। উল্লেখযোগ্য যে চি ডি এছ চি অ'ই বিভিন্ন ৰাজ্যত বজাৰত বিক্ৰী কৰি থকা ঔষধৰ নমুনা সংগ্ৰহ কৰি ৰাজ্যিক তথা কেন্দ্ৰীয় গৱেষণাগাৰত পৰীক্ষা কৰে কৰোৱায়। ইয়াৰ পৰা ১১২ ১১২ বিধ ঔষধ নিৰ্ধাৰিত মানৰ নহয় আৰু ভেজাল বুলি জানিব পাৰে। 

এই ঔষধসমূহৰ বিক্ৰী ইতিমধ্যে বজাৰৰ পৰা আঁতৰাই পেলোৱাৰ নিৰ্দেশ দিয়া হৈছে। যোৱা মাহত সংগ্ৰহ কৰা এই নমুনাসমূহৰ ভিতৰত ৫২ বিধ ঔষধ চি ডি এছ চি অ'ই নিৰ্ধাৰিত মানৰ নহয় বুলি তথ্য লাভ কৰে। আনহাতে, ৰাজ্যিক গৱেষণাগাৰত পৰীক্ষা কৰা ৬০ বিধ ঔষধ নিৰ্ধাৰিত মানৰ নহয় বুলি জানিব পাৰে। পৰীক্ষাত ভেজাল তথা নিৰ্ধাৰিত মানৰ নহয় বুলি জানিব পৰা সংশ্লিষ্ট বেটচ নম্বৰৰ ঔষধসমূহকে বজাৰৰ পৰা আঁতৰোৱাৰ নিৰ্দেশ দিয়া হৈছে। 

ইয়াৰ ভিতৰত ছট্টিশগড়ৰ পৰা সংগ্ৰহ কৰা এবিধ ঔষধ ভেজাল বুলি জানিব পৰা হয়। এই ঔষধবিধ এটা কোম্পানীৰ ব্ৰেণ্ড নাম ব্যৱহাৰ কৰি অনুজ্ঞাপত্র নথকা কোম্পানীয়ে প্ৰস্তুত কৰিছিল। ইয়াৰ উপৰি কফ ছিৰাপত বিষাক্ত দ্রব্য থকাৰ তথ্যও লাভ কৰা হয়। চি ডি এছ চি অ'ই পৰীক্ষা কৰা এই ঔষধসমূহৰ ভিতৰত ৩৪বিধ অতি নিম্নমানৰ বুলি জানিব পাৰে। 

পৰীক্ষাৰ প্ৰতিবেদনৰ পৰা জানিব পৰা মতে, এই ঔষধসমূহত ৰসায়নিক উপাদানসমূহ সঠিকভাৱে নাছিল আৰু কেইটামান ঔষধ পেকেটৰ পৰা খোলাৰ লগে লগে গুড়ি হৈ পৰিছিল। নিম্নমানৰ তথা এই ভেজাল ঔষধসমূহ বিভিন্ন ৰাজ্যত প্ৰস্তুত কৰা, কিন্তু অধিকাংশ প্রস্তুত কৰা হৈছিল গুজৰাট, মধ্য প্রদেশ, উত্তৰাখণ্ড আৰু হিমাচল প্রদেশত।

উৎসঃ দৈনিক জনমভূমি