ডিজিটেল ডেস্কঃ বৈবাহিক বান্ধোনেৰে বান্ধ খালে অভিনেত্ৰী পায়েল ৰোহটগী। দীৰ্ঘদিনীয়া প্ৰেমিক সংগ্ৰাম সিঙক স্বামী বৰণ কৰিলে পায়েলে। পায়েল-সংগ্ৰামে ১২ বছৰীয়া প্ৰেমৰ সম্পৰ্কক দিলে বিবাহৰ নাম। আগ্ৰাৰ জেপি পেলেচত দুয়োৰে বিবাহ সম্পন্ন হয়। বিয়াৰ বাবে পায়েল আৰু সংগ্ৰামে গোৱাক বাচনি কৰে কিয়নো দুয়োৰে প্ৰথম সাক্ষাৎ গোৱাতে হৈছিল। আগ্ৰাৰ জেপি পেলেচত সাত ফেৰে লৈ জীৱনৰ এক নতুন যাত্ৰা আৰম্ভ কৰিলে পায়েল আৰু সংগ্ৰামে।
ৰঙা ৰঙৰ কইনাৰ সাজত খুব ধুনীয়া দেখা গৈছিল পায়েল ৰোহটগীক। সংগ্ৰামৰ কইনা হ’বলৈ পোৱাৰ সুখৰ পোহৰ পায়েলৰ মুখত স্পষ্টকৈ দেখা গৈছিল। আনহাতে শ্বেৰৱানী সাজত দৰা সংগ্ৰাম সিঙকো দেখাত বৰ ভাল লাগিছিল। পায়েল আৰু সংগ্ৰামৰ সুখী বিবাহৰ ছবিয়ে সকলোৰে হৃদয় জয় কৰিছে। বিবাহৰ পূৰ্বে পায়েল আৰু সংগ্ৰামে মন্দিৰত মাতা পাৰ্বতী আৰু মহাদেৱৰ আশীৰ্বাদ লৈছিল। হোমৰ জুইক সাক্ষী কৰি চিৰজীৱনলৈ এক হ’ল প্ৰেমিক চৰাইহাল।
পৰিয়াল আৰু বন্ধু-বান্ধৱীৰ উপস্থিতিত দুয়ো জীৱন বাটত সুখে-দুখে ইজনে সিজনৰ সাৰথি হোৱাৰ প্ৰতিশ্ৰুতি দিয়ে। যোৱা ১২ বছৰ ধৰি প্ৰেমৰ সম্পৰ্ক ধৰি ৰখা পায়েল আৰু সংগ্ৰামৰ বিবাহক লৈ সুখী হৈ পৰিছে তেওঁলোকৰ বন্ধুবৰ্গ তথা অনুৰাগীসকল। সুদীৰ্ঘ সময় ইজনে সিজনৰ সুখ-দুখত সদায় একেলগে থিয় হৈছিল। ইমান বছৰ প্ৰেম কৰিছিল যদিও ৰেচলাৰ সংগ্ৰাম ,সিঙৰ সৈতে বিয়াত বহিবলৈ সাজু নাছিল পায়েল ৰোহটগী। ইয়াৰ কাৰণ আছিল পায়েল কেতিয়াও মাতৃ হ’ব নোৱাৰে। সন্তান জন্ম দিয়াৰ সক্ষমতা নাই অভিনেত্ৰীগৰাকীৰ। পায়েলে নিজে প্ৰকাশ কৰিছিল এই কথা।
এই সকলোবোৰ জানিও পায়েলৰ প্ৰতি প্ৰেম কেতিয়াও কমা নাছিল সংগ্ৰাম সিঙৰ। চিৰজীৱন পায়েলৰ কাষত ছাঁৰ দৰে থাকিম বুলি কথা দিছিল সংগ্ৰামে আৰু তেওঁ সেই কথা আখৰে আখৰে পালনো কৰিলে। এই প্ৰেম কাহিনী কোনো চিনেমাতকৈ কোনো গুণেই কম নহয়। সকলোৱে তেওঁলোকৰ বৈবাহিক জীৱন মধুৰ হ’বলৈ আশীৰ্বাদ আৰু শুভকামনা জ্ঞাপন কৰিছে।Continue Reading
