ডিজিটেল ডেস্ক: ভাৰতীয় বতৰ বিজ্ঞান বিভাগে (আইএমডি) ভৱিষ্যদ্বাণী কৰিছে যে ভাৰতৰ উত্তৰ-পূবত ১২ এপ্ৰিললৈকে নেৰানেপেৰা বৰষুণ হোৱাৰ সম্ভাৱনা আছে। বতৰ বিজ্ঞান বিভাগে লগতে উল্লেখ কৰে যে, ৰাজস্থান, পঞ্জাব, হাৰিয়ানা-দিল্লী, উত্তৰ প্ৰদেশ আৰু মধ্য প্ৰদেশ, বিদৰ্ভ, বিহাৰ আৰু ঝাৰখণ্ডকে ধৰি উত্তৰ-পশ্চিম ভাৰতত অহা পাঁচ দিনৰ ভিতৰত তীব্ৰ উষ্ণতা বৃদ্ধি পাব।
বৰষুণৰ পূৰ্বানুমান-
আইএমডিয়ে কৈছে যে অসম-মেঘালয়ত (৯-১২ এপ্ৰিল) অৰুণাচল প্ৰদেশ (৯ আৰু ১০ এপ্ৰিল), উপ-হিমালয় পশ্চিম বংগ-ছিকিম (৮-১০ এপ্ৰিল)ত ধাৰাসাৰ বৰষুণ হোৱাৰ সম্ভাৱনা আছে। আইএমডিৰ তথ্য অনুসৰি, অসম-মেঘালয়তো ১০-১২ এপ্ৰিলত ধাৰাসাৰ বৰষুণৰ সম্ভাৱনা আছে৷
৮-৯ এপ্ৰিলত দক্ষিণ তামিলনাডু আৰু দক্ষিণ কেৰালাত ধাৰাসাৰ বৰষুণ হোৱাৰ সম্ভাৱনা আছে। বতৰ বিজ্ঞান বিভাগে লগতে কয় যে ৫ দিনৰ ভিতৰত কেৰালা-মাহে, লক্ষ্যদ্বীপ, তামিলনাডু-পুডুচেৰী-কৰাইকাল, উপকূলীয় আৰু দক্ষিণ আভ্যন্তৰীণ কৰ্ণাটকত বজ্ৰপাতৰ সৈতে পাতল বৰষুণ হোৱাৰ সম্ভাৱনা আছে। উপকূলীয় অন্ধ্ৰ প্ৰদেশো ৯ এপ্ৰিলত বজ্ৰপাতৰ সৈতে পাতল বৰষুণৰ সন্মুখীন হ’ব।
উষ্ণতাৰ পূৰ্বানুমান-
এক বিস্তৃত ভৱিষ্যতবাণীত, আইএমডিয়ে নাগৰিকসকলক দেশৰ বেছিভাগ অংশত সাৱধান হ’বলৈ সতৰ্ক কৰি দিছে। আইএমডিয়ে কৈছিল যে ভাৰতৰ বেছিভাগ ঠাইত তাপমাত্ৰা বৃদ্ধি পাব। পশ্চিম ৰাজস্থানত তীব্ৰ তাপ প্ৰবাহৰ পৰিস্থিতি বিৰাজ কৰিব। পূব ৰাজস্থানত অহা ৫ দিনৰ ভিতৰত পঞ্জাব আৰু দক্ষিণ হাৰিয়ানা-দিল্লীত গৰমে দহিব৷ পশ্চিম উত্তৰ প্ৰদেশত পৰৱৰ্তী ৩ দিনত তীব্ৰ গৰমৰ সন্মুখীন হ’ব। ৮ আৰু ৯ এপ্ৰিলত গুজৰাট ৰাজ্যতো একে ধৰণৰ পৰিস্থিতি বিৰাজ কৰিব। আইএমডিয়ে আৰু উল্লেখ কৰিছিল যে পৰৱৰ্তী ৫ দিনত উত্তৰ প্ৰদেশতো উষ্ণতা বৃদ্ধি পোৱাৰ সম্ভাৱনা আছে। ঝাৰখণ্ড আৰু বিহাৰত ৯-১২ এপ্ৰিললৈ অধিক উষ্ণতা বৃদ্ধি পাব।
Continue Reading
