ডিজিটেল ডেস্কঃ কৰ'না মহামাৰীৰ বিৰুদ্ধে এতিয়াও যুঁজ অব্যাহত আছে। কেন্দ্ৰীয় চৰকাৰে শুকুৰবাৰে এটা ডাঙৰ ঘোষণা কৰে যে এতিয়া ১৮ বছৰৰ অধিক বয়সৰ সকলো লোকে ভেকছিনৰ তৃতীয় পালি গ্ৰহণ কৰিব পাৰিব। চৰকাৰে জনায় যে ১০ এপ্ৰিলৰ পৰা ১৮ বছৰৰ অধিক বয়সৰ লোকসকলে ব্যক্তিগত টিকাকৰণ কেন্দ্ৰত ভেকছিনৰ বুষ্টাৰ পালি গ্ৰহণ কৰিব পাৰে।
ক’ৰণাৰ তৃতীয়টো ভেকচিন তথা বুষ্টাৰ ড’জ সকলো ব্যক্তিগত ভেকচিন প্ৰদান কৰা কেন্দ্ৰতো উপলব্ধ হ'ব। অৱশ্যে দ্বিতীয় পালি ভেকচিন গ্ৰহণ কৰা ৯ টা মাহ সম্পূৰ্ণ কৰা লোক সকলেহে ল’ব পাৰিব এই বুষ্টাৰ ড’জ তথা তৃতীয়পালি ভেকচিন। ইয়াৰ লগতে পূৰ্বৰ দৰে কেন্দ্ৰৰ ফালৰ পৰা দিয়া প্ৰথম আৰু দ্বিতীয় পালি ভেকচিন প্ৰদানৰ কাম অব্যাহত থাকিব। লগতে স্বাস্থ্য খণ্ডৰ সৈতে জড়িত ফ্ৰণ্ট লাইন কৰ্মী আৰু ৬০ উৰ্ধৰ লোকসকলক বুষ্টাৰ ড’জ প্ৰদানৰ কামো অব্যাহত থাকিব।
চৰকাৰৰ ফালৰ পৰা সদৰী কৰা অনুসৰি ইতিমধ্যে দেশত প্ৰায় ৯৬ শতাংশ লোকে কমেও এপালি কৈ কৰ'না ভেকচিন গ্ৰহণ কৰিছে। ক'ৰোনা ভেকছিনৰ বুষ্টাৰ পালি কেৱল তেওঁলোকেহে ল'ব পাৰিব যিসকলৰ বয়স ১৮ বছৰৰ অধিক আৰু যিসকলে ৯ মাহ আগতে কোভিড ভেকছিনৰ দ্বিতীয় পালি গ্ৰহণ কৰিছে। সকলো ব্যক্তিগত চিকিৎসালয়ত টিকাকৰণৰ সুবিধা উপলব্ধ হ'ব। অৱশ্যে, চৰকাৰে এইটোও স্পষ্ট কৰি দিছে যে ভেকছিনৰ তৃতীয় পালি গ্ৰহণ কৰিব বিচাৰে নে নিবিচাৰে সেয়া জনসাধাৰণৰ নিজ ইচ্ছাৰ ওপৰত নিৰ্ভৰ কৰিব। বুষ্টাৰ পালি গ্ৰহণ কৰাটো বাধ্যতামূলক নহ'ব।
Continue Reading
