ডিজিটেল ডেস্ক: এটা ঘোঁৰাৰ ফটো এতিয়া ছ’চিয়েল মিডিয়াত লাভ কৰিছে বিশেষ চৰ্চা৷ এখন স্থানীয় ৰে’লত উঠি যাত্ৰা কৰা এটা ঘোঁৰাৰ ফটো ইণ্টাৰনেটত হৈ পৰে ভাইৰেল৷ ৰে’ল কৰ্তৃপক্ষই এই ঘটনাটো লক্ষ্য কৰি ছবিখনৰ সত্যতা পৰীক্ষা কৰিবলৈ তদন্তৰ নিৰ্দেশ দিয়ে।
ফটোখনত, ঘোঁৰাটোক মালিকৰ কাষত এখন জনবহুল স্থানীয় ৰে’লত থিয় হৈ থকা দেখা গৈছে৷ খবৰ অনুসৰি, ঘটনাটো শিয়ালদাহ-ডায়মণ্ড হাৰ্বাৰ ডাউন স্থানীয় ৰে’লত সংঘটিত হৈছিল।
প্ৰতিবেদনত কোৱা হৈছিল যে যাত্ৰীসকলে ঘোঁৰাটোৰ সৈতে ৰে’লত উঠি থকা মানুহজনক আপত্তি কৰিছিল৷ অৱশ্যে পৰৱৰ্তী সময়ত ঘোঁৰা আৰু মালিকৰ বাবে এক ঠাই উলিয়াই দিছিল। জানিব পৰা মতে ঘোঁৰাটোৱে দক্ষিণ ২৪ পৰগণাৰ বাৰুইপুৰত অনুষ্ঠিত দৌৰ প্ৰতিযোগিতাত অংশগ্ৰহণ কৰি উভতি আহিছিল। ফটোখন স্থানীয় ৰে’লৰ চিয়ালদাহ-ডায়মণ্ড হাৰ্বাৰত তোলা হৈছিল।
পূব ৰে’লৱেৰ মুখপাত্ৰই স্বীকাৰ কৰিছে যে তেওঁলোকেও ফটোখন লাভ কৰিছে কিন্তু তেওঁলোকে অৱগত নহয় যে এনেকুৱা কিবা প্ৰকৃততে ঘটিছে নে নাই।
Continue Reading
